ՔՊ-ականների կոչերն ու ծառայած օրինակը. «թավշյա արտոնյալների» նոր խա՞վ է ձևավորվում

Վերջին օրերին ՔՊ-ական պաշտոնյաները, մեկը մյուսին հերթ չզիջելով, կոչ են անում հանրությանը պարտադիր կրել դիմակ: Սակայն, այդ նույն պաշտոնյաների խոսքն ու գործը, ինչպես երևում է, իրար հետ չեն համընկնում և վերջիններս չեն ցանկանում այդ նույն հանրության համար օրինակ ծառայել:

Դիցուք՝ առողջապահության նախարար Անահիտ Ավանեսյանը օրեր առաջ էր կոչ արել քաղաքացիներին պարտադիր դիմակ կրել:

 Ահա նույն ինքը Ավանեսյանն՝ առաջին շարքերում երեկ:

ՔՊ-ական պատգամավոր Նարեկ Զեյնալյանը նույնպես շատ է մտահոգված կորոնաթվերի աճով: «Թվերը սկսել են աճել մոտ մեկ ամիս առաջ և դա ամենևին էլ պայմանավորված չէ վարչապետի մարզեր այցելություններով: Արվում է առավելագույնը, որպեսզի կառավարելի լինի կորոնավիրուսի տարածումը, նաև առողջապահական համակարգն է վերակազմակերպվել այս ընթացքում, այս պահին 20 բուժհաստատություն ներգրավված է բուժօգնության պրոցեսի մեջ, պոլիկլինիկաներն իրենց ամբողջ թափով իրականացնում են իրենց առջև դրված գործառույթները և այստեղ բնակչության զգոնությունը ևս շատ կարևոր է»,- լրագրողների հետ ճեպազրույցում հայտարարել էր իմքայլական պատգամավորը:

Ահա թե ինչպես է իր կոչին հետևում ինքը` Զեյնալյանը:

Վարչապետ Փաշինյանը օգտագործում է ամեն հարմար առիթ` խոսելու այն բանի մասին, թե որքան կարևոր է պարտադիր կրել դիմակ: Ահա ինքը Փաշինյանը և իր ծառայած օրինակը:

Առողջապահության նախկին նախարար Արսեն Թորոսյանը նույնպես հայտնի է իր կոչ-հորդորներով, սակայն, ինքը Թորոսյանը ՏԻՄ ընտրությունների նախաշեմին համավարակի դեմ պայքարի կանոնների պահպանման մասին մոռացել էր:

Ինչպես և Դիլիջանի վերջերս ընտրված քաղաքապետը, ով նախընտրական շրջանում այնքան էր տարված ՔՊ-ի համար ձայն ապահովելով, որ մոռացել էր կանոնների պահպանման անհրաժեշտության մասին

Մեղրիի քաղաքապետի արդեն նախկին ԺՊ-ն նույնպես թիմակիցներից հետ չէր մնում:

ՔՊ-ական մի շարք պատգամավորներ, ովքեր վերջերս լծվել են դիմակ կրելու քարոզին, պաշտպանում են իրենց քաղաքական թիմի քաղաքականությունը այս հարցում՝ իրենք այդ քաղաքականությանը ենթարկվել, կարծես թե, չեն շտապում:

Տվյալ պաշտոնյաների մեծ մասը նույնիսկ չի տուգանվել հակահամաճարակային կանոնները խախտելու համար, ինչը նշանակում է, որ Նոր Հայաստանում սահուն կերպով ձևավորվում է արտոնյալ էլիտայի նոր խավ՝ թավշյա արտոնյալների խավը...:

Այս թեմայով Օգոստոսին 345 հարկ վճարողի մոտ արձանագրվել է ՀԴՄ կիրառման կանոնների խախտում «Խախտում արա, փողը տու՝ էլի քշի, խախտի՝ փող տու, փող տու՝ խախտի»․ Փաշինյանը՝ տուգանքների մասին (տեսանյութ) 12 հարկ վճարողի մոտ արձանագրվել է օրենքի պահանջների խախտում, առաջադրվել է 5,7 մլն-ի տուգանք Երևանում հայտնաբերվել է երթևեկության կանոնների 4990 խախտում, մարզերում՝ 13743. շաբաթվա ամփոփում (տեսանյութ) Երեք օր ջուր չունենալը կանոնների խախտում է, ընկերությունը պետք է տուգանվի․ ՀԾԿՀ նախագահ