Եվրոպան անհանգստանում է Վրաստանում կատարվող ձերբակալությունների պատճառով

Եվրոպայի անվտանգության և համագործակցության հարցերով կազմակերպության Պառլամենտական ասամբլեայի ղեկավար Ռիկարդո Մալյորին անհանգստություն է հայտնել պառլամենտական ընտրություներին ընդառաջ Վրաստանի ընդդիմադիր ներկայացուցիչների և քաղաքացիական ակտիվիստների ձերբակալությունների շուրջ:

«Այն ժամանակ, երբ Վրաստանի խորհրդարանական կարևոր ընտրություններին մեկ շաբաթից էլ քիչ ժամանակ է մնացել, ես շատ անհանգստացած եմ ԶԼՄ-ներում տարածվող տեղեկատվությամբ այն մասին, որ ընդդիմության հետ կապ ունեցող ակտիվիստները ձերբակալվում են»,-Միլյորիին մեջբերում են վրացական ԶԼՄ-ները:

Միլյորին նաև հայտնել է, որ նա ոչ այնքան վաղուց եղել է Վրաստանում և լավ է հասկանում այդ ընտրությունների նշանակությունը: Նա հույս է հայտնում, որ ընտրությունների նախաշեմին և դրանից հետո երկրում կպահպանվի խաղաղություն:

«Ընդդիմադիր ակտիվիստների ձերբակալությունները, որոնք տեղի են ունենում երկրում, և որի արդյունքում քաղաքական մի լուրջ զանգված դուրս է մնում խաղից ընտրությունների նախաշեմին, պետք է շատ լուրջ ընկալվի պետության ղեկավարության կողմից»:

Վրաստանում խորհրդարանական ընտրություններում հիմնական մրցակից ուժերն են նախագահ Սաակաշվիլիի գլխավորած «Միասնական ազգային շարժում» և ընդդիմադիր միլիարդատեր Իվանիշվիլիի ղեկավարած «Վրացական Երազանք» կուսակցությունները: