Ո՞վ կօգնի Ռոմանոս Պետրոսյանին դառնալ Աբովյանի ստվերային ղեկավար

Օրեր առաջ ՔՊ-ն հայտնել է, թե գալիք ՏԻՄ ընտրություններում ովքեր են լինելու քաղաքապետերի իշխանական թեկնածուները։ Այնպես է ստացվել, որ Աբովյան քաղաքում ՔՊ-ի ավագանու ցուցակը գլխավորում է Պավել Ցուգունյանը, ով մամուլի հրապարակումների համաձայն` հանդիսանում է շրջակա միջավայրի նախարար Ռոմանոս Պետրոսյանի կնոջ ազգականը։ 

Դեռեւս նախորդ տարվա նոյեմբերին մամուլում հրապարակում էր եղել այն մասին, որ Կոտայք ՋՕԸ-ում միջադեպ էր տեղի ունեցել, ըստ հրապարակման՝ Կոտայքի մարզպետ Ռոմանոս Պետրոսյանն իր թեկնածուին էր ցանկացել նշանակել ՋՕԸ պետի պաշտոնակատար, սակայն գյուղացիները դիմադրել էին, ծեծկռտուք էր սկսվել։ Լրատվամիջոցի տեղեկություններով՝ ՋՕԸ-ի նոր պետը՝ Գուրգեն Օսիպյանը, Ռոմանոս Պետրոսյանի ազգակիցն է, իսկ այդ պաշտոնում նրա նշանակմանն օգնել է Պետրոսյանի մեկ այլ բարեկամ՝ Պավել Ցուգունյանը։

Ռոմանոս Պետրոսյանն այս հրապարակման վերաբերյալ հերքման պահանջով էր հանդես եկել՝ հատ-հատ հերքելով դրանում տեղ գտած տեղեկությունները, սակայն Պավել Ցուգունյանի ու իր կապի մասին ոչինչ չէր գրել։

Ցուգունյանի աշխատանքային կարիերան, սակայն, դրանով չի սահմանափակվել. նա  աշխատել է որպես մարզպետի տեղակալի օգնական` այդ ընթացքում վարելով Հրազդան ԲԿ-ի վրա հաշվառված ավտոմեքենան, այնուհետև նշանակվել է Հայանտառ ՊՈԱԿ-ի տնօրենի պաշտոնակատար։ Ինչպես տեսնում ենք, Ցուգունյանի համար Ռոմանոս Պետրոսյանը ապահովել է այնպիսի կարիերային առաջընթաց, որին կնախանձեր անգամ Արգիշտի Քյարամյանը։ 2009-2016 թվականներին Ցուգուլյանն ընդհանրապես աշխատել է ՌԴ-ում, վերադարձել է Հայաստան հեղափոխությունից հետո և անմիջապես աշխատանքի անցել Ռոմանոս Պետրոսյանի բարձր հովանու ներքո:

Սակայն, դժվար չէ կռահել, որ Պետրոսյանը Ցուցունյանին առաջ է տանում նաև սեփական քաղաքական խնդիրները լուծելու և օրակարգը առաջ մղելու համար։ Ինչպես տեսնում ենք, Պետրոսյանը Աբովյանում կրած մեկ պարտությունից հետո փորձում է ռևանշի հասնել` այս անգամ կնոջ ազգականի տեսքով։ Հասկանալի է, որ Ցուգունյանի ընտրվելու դեպքում հենց Կոտայքի նախկին մարզպետն է լինելու Աբովյանի ստվերային զեկավարը` իր ձեռքում փաստացի ունենալով քադաքական ազդեցության բավական լայն զինարան ու լծակներ։

Այս թեմայով Ռոմանոս Պետրոսյանի գլխին էլ են մութ ամպեր կուտակվել. «Հրապարակ» Ինքը՝ քոլեջի կառավարման խորհրդի նախագահ, կինը՝ փոխտնօրեն․ բազմագործառութային պաշտոնյա Ռոմանոս Պետրոսյանի հայտարարագիրը և նոր մեքենան Ի՞նչ ունեցվածք ունի «խեղճ» Ռոմանոս Պետրոսյանը. MediaHub Տեղի կունենա Ռոմանոս Մելիքյանի անվան ակադեմիական երգեցողության մրցույթ-փառատոնը «Թովմասյան» հիմնադրամի աջակցությամբ բացվեց հայ մեծանուն կոմպոզիտոր Ռոմանոս Մելիքյանի հարթաքանդակը