Ֆրանսիայում մահացել է Քադաֆիին բռնած ապստամբներից մեկը

Ֆրանսիայում մահացել է լիբիացի ապստամբներից մեկը, որը մասնակցել էր Մուամար Քադաֆիի ձերբակալման գործին. հայտնում է Ալ Ջազիրան: Օմրան Շաբանը մահացել է ֆրանսիական հոսպիտալում այն բանից հետո, երբ 2012թ. նրան առևանգել և կտտանքների էին ենթարկել լիբիական բռնապետւի կողմնակիցները՝ ցանկանալով վրեժ լուծել բռբնապետի տապալման և մահվան համար: 22-ամյա Շաբանը հուղարկավորվել էր սեպտեմբերի 25-ին Միսուրատա քաղաքում, ուր նրա մարմինը հասցրել էին մասնավոր ինքնաթիռով:

Համընդհանուր ազգային կոնգրեսը, որը Լիբիայում իշխանության գլուխ է կանգնած, նրան անվանել է «նահատակ» և հրամայել հուղարկավորել ինչպես հերոսի: Կառավարությունը հրաման է տվել գտնել Շաբանին առևանգած և տանջանքների ենթարկած գրոհայիններին, իսկ նրա եղբայրը երդվել է անձամբ գտնել և վրեժ լուծել նրանցից. հայտնում է AFP-ն:

Հուղարկավորման արարողությունից հետո իրավիճակը Միսուրատում շարունակում է լարված մնալ: Քաղաքի բնակիչները վստահ են, որ Շաբանի մահվան մեջ մեղավոր են Քադաֆիի կողմնակիցները, որոնք մինչ այժմ տիրում են Բանի Վալիդ քաղաքը: Փորձագետները կարծում են, որ Շաբանի մահը կարող է պատճառ հանդիսանալ Քադաֆիին կողմնակից ջոկատների և կոնգրեսի իշխանությունը ընդունող լիբիացիների միջև:
Շաբանի հարազատները հայտնում են, որ ստացած հրազենային վնասվածքի պատճառով նա անդամալույծ է դարձել, իսկ մարմնի վրա բազմաթիվ կտտանքների հետքեր են մնացել: Ընտանիքի անդամները նաև հայտնում են, որ Քադաֆիին բռնելու դիմաց ապստամբների կողմից նրան խոստացված 800 հազար դոլարը նա այդպես էլ չի ստացել: