Ինչո՞ւ ընդդիմությունն Արմավիրն առանց պայքարի «հանձնեց» ՔՊ-ին

Արմավիր քաղաքում սպասվող ՏԻՄ ընտրություններն ուշագրավ են նրանով, որ այստեղ, ըստ էության, որևէ պայքար չի ծավալվելու՝ ինտրիգ չկա, քանի որ միակ թեկնածուն գործող ՔՊ-ական քաղաքապետն է՝  Դավիթ Խուդաթյանը:

Ընդդիմությունը՝ հատկապես խորհրդարանականը, պատեհ և անպատեհ առիթով հիշատակում է Արմավիրը, խոսում այստեղ առկա խնդիրներից՝ ոռոգման ջրից մինչև ընդդիմադիրների, ասել է թե` յուրայինների դեմ զանազան քաղաքական ճնշումներ, պնդում են, որ արմավիրցիները անչափ դժգոհ են գործող իշխանություններից: Եվ այս դեպքում էլ ավելի զարմանալի և տարակուսելի է, թե ինչու այդ նույն ընդդիմությունը որոշեց առանց պայքարի Արմավիրը հանձնել ՔՊ-ին և նույնիսկ հնարավորություն չտալ՝ իշխանություններից դժգոհ հատվածին իր քվեի միջոցով արտահայտել այդ դժգոհությունը: Թեկնածու առաջադրելով` առնվազն անհարմարություն կստեղծվեր ՔՊ-ի համար, և վերջինիս թեկնածուն այդքան վստահ չէր լինի իր հաղթանակի մեջ, այսպես՝ ՔՊ-ական Խուդաթյանը չունանելով որևէ այլընտրանք միանշանակ ընտրվելու է: Ստացվում է՝ իրենց պասիվությամբ ընդդիմադիրները վերարտադրում են այն իշխանություններին, որոնց դեմ պայքարում են և մեղադրում անգործության, նույն արմավիրցիների խնդիրներին լուծում չտալու մեջ:

Արդյո՞ք սխալ է այս դեպքում Խուդաթյանը, ով հայտարարում է, որ թերևս ինքը ընդունելի թեկնածու էր ընդդիմադիրների համար և դա է պատճառը, որ վերջիններս չեն առաջադրվել: Ընդդիմադիրներից մինչ օրս որևէ արձագանք չի ստացվել, ինչն էլ տեղիք է տալիս մտածելու, որ Արմավիրի քաղաքապետն այնքան էլ հեռու չէ իրականությունից, և այդքան քննադատվող պետական պաշտոնյան իսկապես ընդունելի է իրենց ընդդիմադիր հռչակած քաղաքական ուժերի համար:

Այս թեմայով Տիգրան Ավինյանի գլխավորած պատվիրակությունը մեկնել է Իտալիայի մայրաքաղաք Հռոմ Դատարանը ձերբակալել է ՌԴ Սոչիի նախկին քաղաքապետին Ինչ ճանապարհ էր անցել ԱԺ պատգամավոր, Երևանի նախկին քաղաքապետ Արտաշես Գեղամյանը Ինչ ճանապարհ էր անցել ԱԺ պատգամավոր, Երևանի նախկին քաղաքապետ Արտաշես Գեղամյանը Ինչ ճանապարհ էր անցել ԱԺ պատգամավոր, Երևանի նախկին քաղաքապետ Արտաշես Գեղամյանը