Հերթական «ծանր» որոշումը. ինչը՞ կփրկի ՀՀ տնտեսությունը` ըստ Փաշինյանի

Ըստ նրա` եթե տնտեսվարողը ցանկանա օգտագործել հանքավայրը, ապա նա այս պահին ունի  բոլոր թույլտվությունները, լիցենզիաները, ընդերք օգտագործելու իրավունքը։

«Այն փոքր թույլտվությունը, որն ունի տնտեսվարողը, դա իրենց իրավունք է տալիս մեկնարկելու այդ գործընթացը»,- նշեց Ռոմանոս Պետրոսյանը։

Հիշեցնենք, որ Նիկոլ Փաշինյանը բազմիցս ակնարկել էր, որ Ամուլսարը շահագործվելու է։ Նմանատիպ ակնարկ էր արել նաև էկոնոմիկայի նախարարը:

Ստացվում է՝ իշխանություններն սկսում են հանրությանը նախապատրաստել հանքի շահագործմանը և փորձում են տարբեր մակարդակներով ներկայացնել, թե ինչպիսի տնտեսական օգուտ կարող է բերել այդ որոշումը: Եվ պետք է հասկանալ, որ քրեական գործի հանգուցալուծումը դժվար թե ազդի իշխանությունների վրա, որոնք, կարծես թե, արդեն այդ որոշումը վերջնականապես կայացրել են: Զավեշտալի է, որ նախկինում հանքերի շահագործման դեմ պայքարող ակտիվիստները հարմար տեղավորվելով իշխանության մեջ՝ ոչ միայն լռում են իրենց վաղեմի մտահոգությունների մասին, այլ մի բան էլ հանքի շահագործման լոբբինգով են զբաղված: Ստացվում է` նախկին էկոակտիվիստների՝ տնտեսության զարգացման միակ հույսը մնացել է Ամուլսարի հանքի շահագործումը: