Անահիտ Ավանեսյանի պատասխան «հարվածն» Արսեն Թորոսյանին

Հայաստանում ծխողների թվի նվազում չկա, Ազգային ժողովում այս մասին հայտարարել է Առողջապահության նախարար Անահիտ Ավանեսյանը։ Նախարարը նշեց, որ լուրջ խնդիր կա մինչև 18 տարեկան անձանց շրջանում ծխելու առումով։ Նրա խոսքով՝ Հայաստանում տղամարդկանց 51 տոկոսը ծխում է, ինչը մտահոգիչ է։

Առաջին հայացքից բնական է, որ առողջապահության նախարարը մտահոգվում է ՀՀ-ում ծխողների թվի աճով, սակայն, մյուս կողմից այս հայտարարության հետևում կարելի է տեսնել անչափ ուշագրավ քաղաղաքական ենթատեքստ: Բանն այն է, որ հեղափոխությունից հետո հակածխախոտային արշավը համարվում էր Արսեն Թորոսյանի նոու-հաուն, և երկար ժամանակ վերջինս փիառվում էր այդ արշավով և իր մշակած հակածխախոտային ռեֆորմով: Այսօր Ավանեսյանը փաստացի հայտարարում է, որ այդ ռեֆորմը չի աշխատում:

Շաբաթներ առաջ մամուլը գրել  էր, որ Արսեն Թորոսյանը արշավ է սկսել Ավանեսյանի դեմ` նպատակ ունենալով հասնել վերջինիս հեռացմանը զբաղեցրած պաշտոնից և ցանկություն ունենալով վերադառնալ նախարարի պաշտոնին: Ավանեսյանը փաստացի այսօր պատասխան հարվածը հասցրեց Թորոսյանին` բարձրացնելով արդեն վերջինիս ձեռքբերումների և աշխատանքի արդյունավետության հարցը...: