Իրանի առաջնորդը մեղմացնում է հակաիսրայելական հռետորությունը

Իրանի նախագահը բացահայտ կոչեր չարեց ոչնչացնել Իսրայելը և չհիշատակեց իր միջուկային ծրագիրը ՄԱԿ-ի իր ելույթում՝ փոխարենն առաջարկելով հոգևոր աշխարհի իր մտապատկերը. գրում է Bloomberg news-ը։

Իրանի առաջնորդն իր ելույթը ձևակերպեց որպես խաղաղության կոչ, ասելով, որ մահմեդականները, քրիստոնյաները, հրեաները, հինդուիստները և այլ կրոնների ներկայացուցիչները թշնամի չեն իրար, և բոլորը «նվիրված են արդարությանը, մաքրությանը և սիրուն»։

Ահմադինէջադը դատապարտեց «անքաղաքակիրթ սիոնիստների սպառնալիքները՝ դիմել ռազմական գործողությունների մեր վեհ ազգի նկատմամբ»։ Նա նաև քննադատեց միջուկային զենքի և «աշխարհի սխալ կառավարման» միջոցով «իրենց Սատանային վստահած ինքնահռչակ ուժային կենտրոնների» կողմից մյուսներին ահաբեկելը։

Նշենք, որ Ահմադինէջադը ավարտում է իր նախագահական առաքելության երկրորդ ժամկետը՝ չունենալով երրորդ անգամ վերընտրվելու իրավունք։ Նա օգտագրծեց իր այս վերջին ելույթը իրեն խաղաղության կոչ անող առաջնորդ ներկայացնելու համար. ասել է իրանցի վերլուծաբան Ռեուել Մարկ Գերեխտը։

Նա ասել է, որ «սա իր լավագույն ելույթներից մեկն էր, քանի որ նա փորձում էր երևան բերել իր ներքին աշխարհը։ Նա շատ անկեղծ և մեղմ էր, և դա կոչ էր Իսլամին»։