«Եթե Ռուսաստանը չլիներ, հայերն ընդհանրապես չէին լինի». ՌԴ-ում արձագանքել են ԱԺԲ-ի հակառուսական ակցիային (տեսանյութ)

Ազգային ժողովրդական բևեռը երեկ` նոյմբերի 10-ին, հանրահավաք է անցկացրել Հայաստանում Ռուսաստանի Դաշնության դեսպանատան մոտ, որի ընթացքում ակցիայի մասնակիցները հնչեցրել են հակառուսական լոզունգներ` բացականչելով «Հաջողություն, անլվա Ռուսաստան»:

Ռուս հեռուստահաղորդավար Վլադիմիր Սոլովյովն, անդրադառնալով հավաքին, ամոթանք է տվել ՀՀ վարչապետ Նիկոլ Փաշինյանին` հայաստանյան ընդդիմության` հակառուսական կարգախոսներով հայտարարությունների համար։

Լրագրողն ընդգծել է, որ ակցիայի կազմակերպիչը եղել է Ազգային դեմոկրատական ​​շարժումը, որը ֆինանսավորվում է Սորոսի հիմնադրամի կողմից։ Նաեւ տեղի ունեցածի ֆոնին նա դիմել է ՀՀ վարչապետին. «Ես այսպիսի հարց ունեմ Փաշինյանին և ընդհանրապես Հայաստանի պաշտոնական իշխանություններին. «Խնդրում եմ, ասեք, Ռուսաստանում սա ինչպես հասկանանք` հաշվի առնելով, որ մեր խաղաղապահները փրկել են Ղարաբաղի հայերին ֆիզիկական ոչնչացումից»,- հարցրել է լրագրողը։

Լեռնային Ղարաբաղում պատերազմը դադարեցնելու համար եկել են ռուս խաղաղապահները, այլ ոչ թե հայ ակտիվիստները, ընդգծել է Սոլովյովը։ Հաղորդավարը Փաշինյանին նաև հարցրել է, թե մոռացե՞լ է տարածաշրջանի իրադարձությունների մասին։

Հանրահավքը լայն արձագանք է գտել նաև սոցցանցերում: Ռուս օգտատերերը կիսվել են ակցիայի կադրերով և ամոթանք տվել «Հաջողություն, անլվա Ռուսաստան» արտահայտության համար:

«Հայերը Ռուսաստանին անլվա են անվանում ... Ով էլ խոսի: Եվ, ընդհանրապես, եթե Ռուսաստանը չլիներ, հայերն ընդհանրապես չէին լինի` ոչ լվացվածները, ոչ անլվաները»,- Twitter-ում գրել է օգտատերերից մեկը:

«Հայերը հիմա գոռում են «Անլվա Ռուսաստան»»,- գրել է օգտատերը` հիշեցնելով, որ 1915 թվականին Հայոց ցեղասպանության ժամանակ ռուս կայսր Նիկոլայ 2-րդի շնորհիվ 375 հազար հայ է փրկվել:

«Սա ամենն է, ինչ պետք է իմանալ Հայաստանի մասին»,- գրել է օգտատերը, որի հրապարակման մեկնաբանություններում ռուս օգտատերերը կոչ են արել հայերին ՌԴ-ից վերադառնալ Հայաստան:

Նշենք, որ նոյմբերի 10-ին Երևանի Ազատության հրապարակում 18։00-ից անց է կացվել Ազգային ժողովրդավարական բևեռի հրավիրած հանրահավաքը, որին, ըստ «Իրազեկ քաղաքացիների միավորում» ՀԿ-ի, մասնակցել է շուրջ 1150 մարդ։

Այս թեմայով ԱԺԲ-ն հանդիպել է Բագրատ Սրբազանի հետ Ի՞նչ է ուզում ԱԺԲ-ն. Փաշինյանի ամերիկյան տերերը դժգո՞հ են նրանից. «Հրապարակ» ԱԺԲ գրասենյակներում, տներում հայտնաբերվել են նաև ռազմական նշանակության իրեր. ՔԿ ԱԺԲ-ին գրասենյակ ծառայող որևէ տարածքում խուզարկություն չի արվել, ապատեղեկատվություն է Ծեծկռտուք Փաշինյանի աջակիցների եւ ԱԺԲ–ի անդամների միջեւ