ՄԱԿ-ը խիստ անհանգստացած է Պերուում կոկայի արտադրության ծավալների աճով

Ըստ ՄԱԿ-ի նոր զեկույցի՝ Պերուն արդեն վեցերորդ տարին է, ինչ ընդլայնում է կոկայի արտադրության համար նախատեսված հողատարածքները, որը և հումք է հանդիսանում կոկաինի պատրաստման համար։ ՄԱԿ-ի՝ թմրամիջոցների և հանցավորության գրասենյակը (UNODC) հայտարարում է, որ Պերուում տարածքները, որտեղ կոկա է ցանված, 2010 թ. համեմատ աճել են առնվազն 2%-ով և զբաղեցնում են 62.5 հա հողատարածք։

Լիմայում UNODC-ի ներկայացուցիչ Ֆլավիո Միրելյան հայտարարել է, որ այժմ կոկայի արդյունաբերողներն աճեցնում են այս բույսը ոչ միայն ավանդական տարածքներում, այլև՝ նոր հողերի վրա՝ Բրազիլիայի և Բոլիվիայի սահմանի մոտ։ Չնայած կոկայի արտադրության աճի մակարդակն աննշան է, ՄԱԿ-ը անհանգստացած է այն հանգամանքով, որ այս բույսի մշակումը տարածվում է նոր շրջանների վրա։

«Եթե մենք փորձենք բոլոր այս տերևները բեռնել մեքենայի մեջ, կպահանջվի ավելի քան 10 հազ բեռնատար մեքենա 12 տոննա տարողությամբ։ Սա կոկայի հսկայական քանակություն է, և այն մատակարարվում է հենց թմրավաճառներին»,-պատմեց Ֆլավիո Միրելյան BBC-ին տված հարցազրույցում, ավելացնելով, որ Պեռուի կառավարության ջանքերը՝ համոզելու գյուղացիներին, որ վերջիններս աճեցնեն այլ կուլտուրաներ, օրինակ՝ սուրճ,  սկսում են պտուղներ տալ։