Թուրքիայի վարչապետը թուրք-քրդական հնարավոր բանակցությունների ազդանշան է տալիս

Թուրքական հետախուզության պաշտոնյաները վերջին տարիներին կապ են պահպանել Քրդական աշխատավորական կուսակցության ղեկավար անձանց հետ՝ փորձելով վերջ դնել կոնֆլիկտին, որը 40.000 կյանք է խլել։ Սակայն քննարկումները ձախողվել են. գրում է Reuters-ը։

«Այս խնդիրն ունի ռազմական և անվտանգության չափումներ, կա նաև այդ խնդրի դիվանագիտական, սոցիալ-տնտեսական և հոգեբանական չափում»։

Էրդողանը խոսել է այն բանից հետո, երբ գլխավոր քրդամետ կուսակցությունը բանակցությունների վերսկսման կոչ է արել՝ բռնություններից և հետագա լարվածությունից խուսափելու համար։

Թուրքիայի զինված ուժերի և Քրդական աշխատավորական կուսակցության մարտիկների միջև բախումները վերջին ամիսներին ամենաուժգինն են եղել անցած 28 տարիների ընթացքում։ Քրդական աշխատավորական կուսակցությունը Անկարայի, ԱՄՆ-ի և ԵՄ-ի կողմից համարվում է ահաբեկչական կազմակերպություն։

2011 թվականի ընտրություններից ի վեր՝ կոնֆլիկտի արդյունքում ըստ Միջազգային ճգնաժամային խմբի տվյալների զոհվել է ավելի քան 700 մարդ։