Սիրիայում զոհերի քանակը հասնում է 30 հազարի

Ինչպես հայտնում է «Մարդու իրավունքների սիրիական աստղադիտարան» իրավապաշտպան կազմակերպությունը, Սիրիայում զոհերի քանակը հասնում է 30 հազար մարդու, որոնց կեսից ավելին սպանվել է վերջին մի քանի ամսվա ընթացքում:

Կազմակերպության ղեկավար Ռամի Աբդուռահմանի խոսքերով սպանվածենրի մեջ կա 21.534 խաղաղ քաղաքացի, 7322 զինծառայող և Բաշար ալ Ասադի բանակի 1168 դեզերտիր: Քաղաքացիական զոհերի մեջ են այն անձինք, որոնք կամավոր միացել են ապստամբական ջոկատներին:

Զոհերի քանակով ռեկորդային է համարվել այս չորեքշաբթին. հայտնում է Ալ Ջազիրան: Զոհերի քանակը Սիրիայում հասել է 322-ի: Իսկ CNN-ը հայտնում է 343 զոհերի մասին, որից 162-ը՝ միայն Դամասկոսում : Բացի այդ՝ չորեքշաբթի օրը սիրիական մայրաքաղաքում տուժել է երկու իրանցի լրագրող, որից մեկը զոհվել է:

Հիշեցնենք, որ երեկ Դամասկոսում սիրիական բանակի գլխավոր շտաբի  մոտակայքում առավոտյան  երկու  պայթյուն էր  որոտացել, որից  հետո ապստամբերի և կառավարական  զորքերի միջև  փոխհրաձգություն էր սկսվել: