Պուտինի քնքուշ նվերը Չավեսին

Սեպտեմբերի 26-ին Վլադիմիր Պուտինը Վենեսուելայի նախագահ Ուգո Չավեսին շնիկ է նվիրել. հաղորդում է РИА Новости-ն։

Երեքամսյա ռուսական սև տերյեռին Չավեսին է հանձնել Роснефти կազմակերպության նախագահ Իգոր Սեչինը։ Սեչինի խոսքերի համաձայն՝ շնիկը Չավեսին շատ է դուր եկել։ Վենեսուելայի նախագահը խոստացել է մոտակա ժամանակներում  նշել այն անունը, որը պատրատվում է տալ շնիկին։ Շնիկը նվիրել են Չավեսին Սեչինի հետ հանդիպման ժամանակ, որը տեղի է ունեցել սեպտեմբերի 26-ին։ Այդ հանդիպման ժամանակ Սեչինը բանակցություններ է տարել Վենեսուելայի էներգիայի նախարար Ռաֆայել Ռամերեսի և երկրի նախագահի հետ։

Ռուսական սև տերյեռը, որին ոչ պաշտոնապես անվանում են «Ստալինի շուն», բուծել են 50-ականներին խորհրդային միությունում «Կարմիր աստղ» բուծարանում։ Այս շան տեսակը ստացվել է ռոտվեյլերի, ռեզենշնաուցերի, էլդետերների և այլ շնատեսակների խաչասերումից։