ՔՊ-ականների «տունը կռիվ է ընկել». պայքար մարզպետի պաշտոնի համար

Լոռու մարզպետ Արամ Խաչատրյանի գլխին կրկին մութ ամպեր են կուտակվում: Բանն այն է, որ վերջինիս վրա անչափ մեծ պատասխանատվություն է դրված՝ չտապալել դեկտեմբերին Վանաձորում սպասվող ՏԻՄ ընտրությունները և, ընդհանուր առմամբ, մարզում ապահովել ՔՊ-ի հաջող ելույթը: Մի բան, ինչը, ըստ էության, բավական բարդ կլինի իրագործել` հաշվի առնելով իշխանական թիմի օրեցօր մաշվող քաղաքական իմիջը: Մինչդեռ Խաչատրյանի ձախողման անկնալիքով ապրում են ոչ միայն նրա քաղաքական մրցակիցները, այլ նաև որոշ թիմակիցներ:

Դիցուք՝ մամուլում ակտիվորեն լուրեր են տարածվում, որ եթե Խաչատրյանը ընտրվի Վանաձորի քաղաքապետ, մարզպետի թափուր մնացած պաշտոնը բաժին կհասնի՝ Արփի Դավոյանին: Ինքը Դավոյանը հերքել է, որ պատրաստվում է զբաղեցնել մարզպետի պաշտոնը, սակայն, ինչպես ասում են՝ սա Հայաստանն է, և ոչինչ բացառել հնարավոր չէ: Դավոյանին ձեռնտու է թե Խաչատրյանի հաջողությունը, թե ձախողումը, որովհետև ձախողման դեպքում էլ ակնհայտ է, որ վերջինս կարժանանա Շիրակի մարզպետի ճակատագրին և պարզապես կհեռացվի: Եվ այդ դեպքում էլ մարզը ղեկավարելու ամենահավանական թեկնածուն հենց Արփի Դավոյանն է: 

Ուշագրավ է, որ նախընտրական շրջանում Խաչատրյանը հասցրել է հայտնվել սկանդալի կիզակետում: Մասնավորապես, լրատվամիջոցները գրել էին, որ մարզպետը քարոզարշավ է իրականացնում գողացված համարանիշներով ավտոմեքենայով: Բացի այդ, լուրեր էին տարածվում, որ վերջինս հրաժարվում է մրցակիցների հետ քաղաքական բանավեճից: Չի բացառվում, որ Խաչատրյանի դեմ այս արշավի հետևում հենց իր թիմակիցներն են կանգնած, որոնց ձեռնտու է մարզպետի ձախողվելը գալիք ընտրություններում:

Ի դեպ, սա թերևս ոտքի տակ փորելու առաջին դեպքը չէ, որ տեղի է ունենում Լոռու մարզի ՔՊ-ականների միջը: Սրանից առաջ էլ նախկին մարզպետ Անդրեյ Ղուկասյանը  ազատվում էր մարզպետարանում Խաչատրյանի կադրերից: Խաչատրյանը մինչ պատգամավոր դառնալը փոխմարզպետ էր, և մամուլը բազմիցս էր անդրադարձել վերջինիս մարզպետ դառնալու ցանկությանը: Այդ ցանկությունը Խաչատրյանը ի կատար ածեց, սակայն, այսօր հարվածի տակ է արդեն հենց ինքը: Ինչպես երևում է՝ Լոռու մարզպետի պաշտոնը ՔՊ-ականների համար անչափ բաղձալի է:

Այս թեմայով Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան Նիկոլ Փաշինյանն ու Աննա Հակոբյանը թիկնապահների ուղեկցությամբ մտան Մայր Տաճար. (տեսանյութ) Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան