Բեն Լադենը մեկ աչքով կույր է եղել

Նախկին «համար մեկ ահաբեկիչը» կարողանում էր տեսնել միայն մեկ աչքով. պատմել է Ալ Քաիդայի առաջնորդ Այման Զավահիրին «Իմամի օրեր» տեսադիմումի մեջ. հայտնում է արաբական «Ալ Արաբիա» հեռուստաընկերությունը:

Զավահիրիի խոսքերով՝ Ուսամա Բեն Լադենը կուրացել է մեկ աչքով մանուկ հասակում դժբախտ պատահարից հետո. փոխանցում է Интерфакс-ը:

Բացի այդ՝ Ալ Քաիդայի առաջնորդը պատմել է, որ Բեն Լադենը երիտասարդ հասակում եղել է իսլամիստական «Մուսուլման եղբայրներ» կազմակերպության սաուսական ճյուղի անդամ, սակայն հեռացվել էր այնտեղից 1980-ական թթ. ԽՍՀՄ-ի դեմ ջիհադի ակտիվ կոչերի պատճառով:

Հիշեցնենք, որ Բեն Լադենը սպանվել էր մայիսի 1-ին ամերիկյան բանակի հատուկ նշանակության ջոկատի կողմից Պակիստանի մայրաքաղաքից 60 կմ հեռավորության վրա գտնվող Աբոտաբադում: Ահաբեկիչը գլխավորում էր Ալ Քաիդա ահաբեկչական խմբավորումը:

Ինչպես հաղորդում է Взгляд-ը, նախկին ամերիկյան հատուկ նշանակության ջոկատային Մարկ Օուենը Բեն Լադենի ոչնչացման գործողության մասին գիրք է գրել, որտեղ հայտնում է, որ երբ ջոկատը ներս է մտել նրա սենյակ, վերջինս արդեն մահացած է եղել գլխին ստացած հրազենային վնասվածքից: Նրա դիակի մոտ հայտնաբերվել են դատարկ փամփշտակալներով երկու հրացան:

Օուենի տվյալները չեն համապատասխանում Պակիստանի իրողությունների պաշտոնակլան տարբերակին: Մասնավորապես Օուենը հայտնում է, որ նրա ջոկատի վրա Բեն Լադենի տան մոտակայքում կրակ բաց չեն թողել և որևէ 40-րոպեանոց մարտի մասին խոսք չի կարող գնալ:
Պենտագոնը ուսումնասիրում է գրքում շարադրած տեղեկությունները և սպառնում նախկին հատուկ նշանակության ջոկատայինին դատարանով: