Համացանցում հայտնվել է տեսանյութ, որում թալիբները քննարկում են արքայազն Հարրիին առևանգելու ծրագիրը (տեսանյութ)

Աֆղանստանի բազայի վրա ահաբեկիչների հարձակման պատրաստման տեսանյութը, որտեղ ռազմական ծառայաություն է անցնում բրիտանացի Հարրի արքայազնը, հայտնվել է համացանցում. հաղորդում է BBC հեռուստաընկերությունը:

Լրագրողների ձեռքում են հայտնվել կադրեր, որոնցում ահաբեկիչները քննարկում են աֆղանական ռազմական ստորաբաժանման վրա հարձակման ծրագիրը, որտեղ այժմ ծառայում է Հարրին։

Տեսանյութում ցուցադրվում է, թե ինչպես են թալիբյան շարժման ներկայացուցիչները գծում հարձակման պլանը։ Լրագրողների խոսքերով՝ «այդ սխեման կհասկանար նաև երեխան»։

Ինչպես հաղորդում է BBC–ն, խմբավորման ղեկավարը իրեն պահում է ինչպես ուսուցիչը դասի ժամանակ՝ գրատախտակի և իր ցուցումների միջոցով բացատրելով ներկաներին, թե ինչ պետք անել։

Այսպիսի պարզ եղանակով հանցագործները կարողացել են ներխուժել արևմտյան զինվորականների կողմից հսկվող տարածք, որոնց պահելու համար տարեկան միլիոններ են ծախսվում. փոխանցում է հեռուստաընկերությունը։

Թալիբների ներկայացուցիչը վատ անգլերենով տեսախցիկի առջև կանգնած ասում է, որ իրենց նպատակը Հարրի արքայազնին սպանելն է։
«Բրիտանացիները պետք է տեսնեն և զգան մեր զայրույթի ուժը»,- ասում է առաջնորդը՝ նայելով տեսախցիկին։

Տեսանյութն ամբողջությամբ կարող եք դիտել այստեղ՝ http://korrespondent.net/video/world/1399874-v-internete-poyavilos-video-na-kotorom-taliby-obsuzhdayut-plan-zahvata-princa-garri