Ադրբեջանի և Հայաստանի նախագահների հանդիպմանը պետք է երկար սպասել. Կիրո Մանոյան

Հունգարիայի իշխանություններն անհանգստանում են, քանի որ միջազգային հանրությունը և Հունգարիայի ընդդիմադիր ուժերը  մեծ աղմուկ են բարձրացրել Սաֆարովի արտահանձնման կապակցությամբ։ Դրա մասին է փաստում վերջերս Հունգարիայի շահագրգռվածությունը Հայաստանի հետ դիվանագիտական հարաբերությունները վերականգնելու հարցում»։ Այս մասին լրագրողների  հետ հանդիպմանն ասաց ՀՅԴ Բյուրոյի Հայ դատի և քաղաքական հարցերի գրասենյակի ղեկավար Կիրո Մանոյանը։

«Դեռևս հայտնի չէ, թե ՀՀ արտաքին գործերի նախարարությունը հունգարական կողմից կոնկրետ ինչ քայլերի է սպասում, բայց վերջինիս կարծիքով Հունգարիան պետք է ճանաչի Արցախի ինքնորոշման իրավունքը: Կիրո Մանոյանը չբացառեց նաև Արցախի բանակցային ֆորմատի փոփոխությունը:

«Ես ճիշտ եմ համարում  Շվեյցարիայի միջնորդությունը մերժելու առաջարկը: Հայաստանն ինքնուրույն կարող է բանակցել, որևէ երկրի միջնորդության կարիք չեմ տեսնում»։

Ինչ վերաբերում է Ադրբեջանի և Հայաստանի նախագահների հանդիպմանը, Կիրո Մանոյանը նկատեց, որ դեռ երկար ժամանակ դրան կսպասենք, քանի որ Ալիևի նման նախագահի հետ խոսելու առանցքներ չկան: