Փաշինյանն ու Մարությանը փիառվում են երևանցիների գրպանի հաշվին
Վերլուծական
Երևանի քաղաքապետարանը և ՀՀ կառավարությունը մրցապայքարի են դուրս եկել՝ անխնա փիառվելով ապագայում կառուցվելիք մետրոյի նոր կայարանի ծրագրի շուրջ: Բանն այն է, որ քաղաքապետ Հայկ Մարությանը փորձում է մետրոյի նոր կայարանի կառուցման նախագիծը ներկայացնել որպես իր բուռն աշխատանքի արգասիք, իսկ կառավարությունն իր հերթին, որ մշտապես զբաղված է այդ բուռն աշխատանքի իմիտիացիայով, չի ցանկանում հետ մնալ մայրաքաղաքային իշխանություններից:
Սակայն, արդարության համար պետք է նշել, որ մետրոյի նոր կայարանի կառուցումը, եթե այն, իհարկե, տեղի ունենա, ոչ կառավարության շնորքն է , ոչ էլ քաղաքապետարանինը: Բանն այն է, որ մետրոյի կայարանը կառուցելու համար հսկայական չափի հասնող վարկեր են ներգրավվել, որոնք էլ փակվելու են հենց քաղաքացիների կողմից: Այլ հարց կլիներ, եթե կառավարությունը կամ քաղաքապետարանը մետրոյի կառուցման ծրագիրը իրականացնեին ստացված դրամաշնորհի կամ սեփական բյուջեի հաշվին, իսկ այսպես ստացվում է, որ իշխանությունները երևանցիների գրպանի հաշվին երևանցիներին լավություն են անում, դեռ մի բան էլ փորձում են քաղաքական դիվիդենտներ քաղել՝ մրցելով մեկը մյուսի հետ:
Ամենադիտված 
Մնաս բարյավ. Րաֆֆի Հովհաննիսյան
