Պաշտոնյաների ծախսերն ու առևտրային գործունեությունը. ուշագրավ դրվագներ հայտարարագրերից

Ինչպես գիտենք՝ պաշտոնյաներն այսուհետև պետք է ներկայացնեն ոչ միայն եկամուտների, այլ նաև ծախսերի հայտարարագիր: Ուշագրավ է, սակայն, որ հայ պաշտոնյաները չեն շտապում կատարել օրենքի այս պահանջը, մի շարք պաշտոնաթող նախարարներ ընդհանրապես պաշտոնը դադարեցնելու օրվա դրությամբ հայտարարագիր չեն ներկայացրել, ինչն օրենքի խախտում է:

ՔՊ-ականներից ծախսերի հայտարարագիր է ներկայացրել Արսեն Թորոսյանը: Նա, մասնավորապես, նշել է 17,750,000.00 ՀՀ դրամի հասնող ծախս, ծախսի տեսակն էլ՝  2 մլն ՀՀ դրամը կամ դրան համարժեք արտարժույթը գերազանցող այլ միանվագ ծախսեր:

Նորամուծություններից մյուսն էլ առևտրային այս կամ այն կազմակերպություններում մասնակցության ֆիքսումն է: Այս հարցում պաշտոնյաներն ավելի թափանցիկ են գործել:

Դիցուք՝ պատգամավոր Գուրգեն Արսենյանը այս ցանկում նշել է ՝ «Արսօյլ» ՓԲԸ, «Յունիքորն Ֆլորա» ՓԲԸ, «Յունիքորն փրինթ» ՓԲԸ, «Յունիքորն քոնսթրաքշըն» ՓԲԸ, «Յունիքորն գրուպ» ՓԲԸ, «Յունիքորն սերվիս» ՍՊԸ, «Էլդորադո-Արմեն» ՍՊԸ, «Վկրեդիտ 24» ՍՊԸ:

ՀՀ Արագածոտնի մարզի Աշտարակ համայնքի ավագանու անդամ Վահե Մովսիսյանը հայտարարագրել էր «ՍԳՈ ԵՎ ՀՈՒՂԱՐԿԱՎՈՈՒԹՅՈՒՆՆԵՐԻ ԲՅՈՒՐՈ» ՍՊԸ-ի 100 տոկոս բաժնեմաս:

Շրջակա միջավայրի նախարարի տեղակալ Գայանե Գաբրիելյանը հայտարարագրել է ԱՁ «ԳԱՅԱՆԵ ԳԱԲՐԻԵԼՅԱՆ»-ի 1 բաժնետոմս:

Տավուշի մարզպետի տեղակալ Նարեկ Ղուշյանը հայտարարագրել է ԱՁ «Նարեկ Ղուշչյան» ընկերության 100 տոկոս բաժնեմաս:

Ինչպես տեսնում ենք՝ հայ պաշտոնյաների վրա այնքան էլ չի ազդել հեղափոխության օրերին ամբիոնից հնչած հավաստիացումները, որ Նոր Հայաստանի պաշտոնյաները և բիզնեսն անհամատեղելի են լինելու: