Փաշինյանի յուրայիններից հաջորդն ու՞մ կայցելի ՊՎԾ-ն

Երեկ մամուլը գրել էր, որ վարչապետ Նիկոլ Փաշինյանը Պետական վերահսկողական ծառայությանը հանձնարարել է ուսումնասիրություններ սկսել ՀՀ առողջապահության նախարարությունում։ Կառավարությանը մոտ կանգնած մեր աղբյուրների փոխանցմամբ` Նիկոլ Փաշինյանը հանձնարարել է Անահիտ Ավանեսյանին, Վիճակագրական կոմիտեի նախագահ Ստեփան Մնացականյանին և ՊՎԾ ղեկավար Տիգրան Ուլիխանյանին՝ վեր հանել կորոնավիրուսից մահվան դեպքերի վերաբերյալ առողջապահության նախարարության և Վիճակագրական կոմիտեի կողմից հրապարակված տվյալներում առկա տարբերությունները։

Եթե Նիկոլ Փաշինյանի միակ նպատակն այս դեպքում ստուգումների արդյունքում առողջապահության նախարարին մաքրելը չէ, ապա առնվազն տարակուսելի է, թե ինչու վարչապետը ՊՎԾ-ին չի հանձնարարում ստուգումներ սկսել մի շարք այլ կառույցներում ևս, որոնք վիճակագրական կոմիտեին հակասող տեղեկություններ են տվել հանրությանը:

Դիցուք՝ հենց իր՝ Փաշինյանի պնդումները հակասում էին կոմիտեի ներկայացրած թվերին: Նախորդ տարվա կառավարության սեպտեմբերի 10-ի նիստում վարչապետ Նիկոլ Փաշինյանը, խոսելով երկրում սոցիալական վիճակի մասին, հայտարարեց, որ այս տարվա հուլիսին աշխատողների թվաքանակի և միջին աշխատավարձերի գծով գրանցվել է նկատելի աճ։ Մինչդեռ, ըստ ԱՎԾ տվյալների՝ այդ տարվա հուլիս ամսին հանրապետությունում գրանցված աշխատողների թվաքանակը եղել է 632,410, ինչը մոտ 19,350-ով ավել է Փաշինյանի ներկայացրած ցուցանիշից։

Հակառակ ՊԵԿ կողմից հրապարակված՝ 2019 թվականի հունվար, փետրվար եւ մարտ ամիսների ցուցանիշների, վիճակագրակիան կոմիտեի կողմից այդ նույն երեք ամիսների նույն վիճակագրության մեջ  136 մլրդ դրամի տարբերություն կար։ Այսինքն` ՊԵԿ-ի հրապարակման մեջ բացակայում էր 136 մլրդ դրամ անցումային գերավճարի (արտահանողներին վերադարձվող ավելացված արժեքի հարկի) մասին տեղեկատվությունը, այդ գումարի մասին ոչինչ չէր ասվել նաեւ ՊԵԿ նախագահի մամուլի ասուլիսում, բայց այն «հանկարծ» հայտնվել էր վիճակագրական կոմիտեի եռամսյակային տվյալների մեջ։ Բնականաբար, որեւէ պարզաբանում վերոնշյալ կառույցների կողմից չեղավ։ Դժվար է բացատրություններ գտնել ոչ փոքր՝ 136 մլրդ դրամ կազմող գումարի վերաբերյալ։

Եթե էկոնոմիկայի նախարար Վահան Քերոբյանը պարծենում է հորդացող ներդրումներով, ապա վիճակագրական կոմիտեի ներկայացրած տվյալներն այս առումով հեռու են լավատեսական լինելուց: 2020 թվականի առաջին եռամսյակում Հայաստանի տնտեսության իրական հատվածում կատարված համախառն օտարերկրյա ներդրումների ծավալը կազմել է մոտ 211 մլրդ դրամ (437 մլն դոլար), որից 72 մլրդ դրամն (150 մլն դոլար) ուղղակի ներդրումներն են (ՕՈՒՆ)։ Ինչպես ցույց է տալիս Վիճակագրական կոմիտեի հրապարակած ցուցանիշների վերլուծությունը, նախորդ տարվա առաջին եռամսյակում օտարերկրյա ներդրումների ծավալը, նախորդ տարվա նույն ժամանակաշրջանի համեմատ, մոտ 133 մլրդ դրամով կամ 38.6 %-ով նվազել է։

Սփյուռքի գործերի հանձնակատար Զարեհ Սինանյանն առանց որոշակի թվեր մատնանշելու հայտարարել էր, որ Հայաստան վերադարձող մեր հայրենակիցների դինամիկան իրեն գոհացնում է: Հայաստանի վիճակագրական կոմիտեի հրապարակման համաձայն, նախորդ տարվա հունվարի 1-ի դրությամբ ՀՀ մշտական բնակչության թիվը կազմել է 2 մլն 959,7 հազար մարդ։ Նախորդ տարվա հունվարի 1-ին այդ ցուցանիշը 2 մլն 965,3 հազար մարդ էր։ Այսինքն, մեկ տարվա ընթացքում Հայաստանի Հանրապետության մշտական բնակչության թիվը նվազել է 5,6 հազար մարդով։ Այսինքն՝ կրկին անհամապատասխանություն:

Հակասություն կար նաև Փաշինյանի, ԱՎԿ-ի և ԱԱԾ-ի ներկայացրած տվյալներում: Ըստ ԱՎԿ-ի և ԱԱԾ-ի՝ 2019-ին Հայաստանի սահմանային անցակետերում գրանցված մուտքերի թիվը, ներառելով մեկ անձի բազմակի այցելությունները, կազմել է 4 միլիոն 319 հազար 618: Նույն ժամանակահատվածում Հայաստանից մեկնումների թիվը կազմել է 4 միլիոն 309 հազար 112 կամ ժամանածների թվից 10 հազար 506-ով ավել:  2017-ի և 2018-ի դեպքում վարչապետ Փաշինյանի ներկայացրած թվերի և վիճակագրության միջև տարբերությունը շուրջ մեկ միլիոնի է հասնում: Ըստ վարչապետի գրառման՝ 2017-ին Հայաստան ժամանել էր 4 միլիոն 373 հազար մարդ, իսկ համաձայն ԱԱԾ և ԱՎԿ տվյալների՝ 3 միլիոն 398 հազար մարդ:  2018-ին, ըստ վարչապետի, ժամանել էր 4 միլիոն 785 հազար մարդ, ըստ ԱՎԿ-ի և  ԱԱԾ-ի՝  3 միլիոն 757 հազար:

Սրանք ընդամենը մի քանի օրինակ է այն բանի, թե ինչպես են Փաշինյանի ենթակաները խեղաթյուրում և հակասում վիճակագրական կոմիտեի պաշտոնական տվյալները: Եթե մի դեպքում նման դրվագը կարող է ստուգման հիմք հանդիսանալ, ապա ինչո՞ւ մյուս բոլոր դեպքերում ՊՎԾ-ն պետք է ձեռքերը լվանա: Հարց է առաջանում՝ յուրայիններից հաջորդն ո՞ւմ մոտ Փաշինյանը կգործուղի ՊՎԾ տեսուչներին....

Այս թեմայով Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան Նիկոլ Փաշինյանն ու Աննա Հակոբյանը թիկնապահների ուղեկցությամբ մտան Մայր Տաճար. (տեսանյութ) Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան