«TikTok»-եր փոխնախարարը որոշել է գերազանցել ինքն իրեն

«TikTok» սոցիալական ցանցից հայտնի՝ շրջակա միջավայրի փոխնախարար Գայանե Գաբրիելյանն այսօր լրագրողների հետ զրույցում կես կատակ, կես լուրջ նոր ռեֆորմ մտահղացավ. հարցին՝ օրինակ, չի՞ պատրաստվում սիգի անօրինական որսը նկարահանել ու «TikTok»-ում ցուցադրել ու ասել, որ չպետք է նման բաներ անել, փոխնախարարը պատասխանեց, որ լրագրողը հետաքրքիր ռեֆորմ է առաջարկում։

Հուսանք, իհարկե, փոխնախարարը կատակ էր անում, սակայն, ինչպես ասում են՝ վստահ լինել չենք կարող` հաշվի առնելով հայրենի պաշտոնյաների ափերից դուրս հորդացող կրեատիվը: Չենք զարմանա, եթե պարզվի, որ ոլորտից, մեղմ ասած, հեռու Գաբրիելյանը ռեֆորմները հենց հայտնի սոցցանցում զվարճանալու տեսքով էլ պատկերացնում է: Չենք զարմանա, սակայն կտխրենք, քանի որ ապօրինի ձկնորսությունն այն խնդիրներից է, որը պահանջում է շատ ավելի լուրջ և համակարգային լուծում:  Պարզապես, երբ պաշտոնյան կիլոմետրերով հեռու է ոլորտից, վերջինիս խնդիրներից, դժվար թե տիրապետի այդ համակարգային լուծման բանալիներին, ճիշտը՝ փորձված տարբերակն է, դիտումներ էլ եթե լինեն՝ չի խանգարի, ի վերջո պաշտոնը հո հավերժ չէ` ի տարբերություն տիկտոկյան փառքի:

Փոխնախարարը գուցե տեղյակ չէ, սակայն, նման դեպքերը հիմա էլ են նկարվում և տարածվում սոցիալական հարթակներում, այլ հարց է, որ պատկան մարմինները նման դեպքերի հետևից գնալու և մատը մատին խփելու փոխարեն զբաղված են թիթեռ նկարելով և նմանը չունեցող չնաշխարհիկ ռեֆորմներ ծնելով: Ինչպես ասում են՝ պաշտոնյային կարող ես հանել Տիկ-Տոկից, իսկ Տիկ-Տոկը պաշտոնյայի մեջից՝ ոչ:

Այս թեմայով Պետքարտուղար Բլինկենն ու Թուրքիայի ԱԳ նախարար Հաքան Ֆիդանը հանդիպում են ունեցել Արարատ Միրզոյանը հանդիպել է Ֆրանսիայի նորանշանակ նախարար Ժան-Նոել Բարոյին Արդարադատության նախարարը նախազգուշացում է տվել Վահագն Դավթյանին Կիպրոսի պաշտպանության նախարարը ժամանել է Հայաստան Արարատ Միրզոյանը հանդիպում է ունեցել Ալժիրի ԱԳ նախարար Ահմեդ Ատտաֆի հետ. մանրամասներ