Ռոմանոս Պետրոսյանի դուխով գործընկերները. ի՞նչ պատճառներով են հրաժարական տվել նախարարները

Արտասահմանյան քաղաքական գործիչների օրինակը գալիս է ապացուցելու, որ դրսում պատշոնյաները շատ ավելի հեշտ են բաժանվում սեփական աթոռներից և պաշտոններից, քան մեր երկրում: Ընդ որում, հաճախ այդ պաշտոնյաների հրաժարականի պատճառը այնպիսին է, ինչի համար հայ պաշտոնյաներն անգամ ներողություն չէին խնդրի: Մենթալիտետի տարբերություն է, թե այլ քաղաքական մշակույթի՝ դժվար է ասել:

Դիցուք՝ Ուկրաինայի բնապահպանության նախարար Ռոման Աբրամովսկին հրաժարական էր ներկայացրել, այն բանից հետո, երբ երկրի ԱԱԾ-ն վերջինիս աշխատանքն անարդյունավետ է գնահատել:

Ֆրանսիայի բնապահպանության նախարար Նիկոլյա Յուլոն հրաժարականի դիմում է ներկայացրել, որովհետև այլևս չէր կարող խաբել իրեն, որ ունակ է լուծել էկոլոգիական խնդիրները: Սրանք հենց Յուլոյի խոսքերն են:

Ֆրանսիայի բնապահպանության մեկ այլ նախարար՝ Ֆրանսուա Դե Ռյուժին հրաժարական ներկայացրեց այն բանից հետո, երբ պարզ դարձավ, որ նա բյուջեից բավական մեծ գումարներ է վատնել՝ ընկերական շրջապատում ընթրելու նպատակով:

Բրազիլիայի բնապահպանության նախարարը ՝ Ռիկարդու Սալիսան հրաժարական է տվել՝ ապօրինի փայտանյութի արտահանման սկանդալից հետո լուրջ քննադատության արժանանալուց հետո;

Լատվիայի բնապահպանության նախարար Յուրիս Պուցեն հրաժարական է տվել այն պատճառով, որ մուտք է գործել այն կայանատեղի, որտեղ գտնվելու թույլտվություն չուներ:

Սլովակիայի բնապահպանության նախարար Լասլո Շոյմոշը հրաժարականի դիմում է ներկայացրել այն բանից հետո, երբ ազգականի հետ այցելել է ռեստորան և ոչ սթափ վիճակում վիճաբանություն սկսել աշխատակիցների հետ:

Իսկ այժմ գանք Հայաստան: ՀՀ շրջակա միջավայրի պաշտպանության նախարար Ռոմանոս Պետրոսյանը, ով մինչ այս զբաղեցրել է մարզպետի պաշտոնը, հայտնվել է անթիվ, անհամար սկանդալների և պատմությունների կիզակետում: Սկսած ԽԾԲ-ից, ավարտած՝ ընտրական տեղամասերում ակնհայտ կերպով ընտրական գործընթացին միջամտելով: Լինելով մարզպետ, ըստ մամուլի տեղեկությունների, Պետրոսյանը մարզի գյուղապետերին «չորով» հրահանգում է հրաժարվել պաշտոններից: Պետրոսյանը չի խուսափել նաև ակնհայտ կրիմինալ պատմությունների մեջ ներքաշվելուց, թեկուզ և ոչ անմիջականորեն: Բանն այն է, որ ամիսներ առաջ մարզպետի եղբայրը մի քանի անգամ հարվածել է իրավապաշտպան ընկերության տնօրենի դեմքին: Եթե նման դեպք արձանագրվեր նախկինում, ՀՀԿ-ական մարզպետներից որևէ մեկի եղբոր մասնակցությամբ, ապա կարելի է կռահել, թե ինչպիսի աղմուկ կբարձրացներ ընդդիմությունը: Այս ամենից հետո էլ Պետրոսյանը ոչ միայն շարունակում է պաշտոնավարել, այլ անգամ չի էլ դիտարկում պաշտոնից հրաժարվելու տարբերակը:

Այս թեմայով Եկեղեցին շարունակելու է պահանջել իշխանությունների հրաժարականը. Եսայի Արթենյան (տեսանյութ) Պետքարտուղար Բլինկենն ու Թուրքիայի ԱԳ նախարար Հաքան Ֆիդանը հանդիպում են ունեցել Ռոմանոս Պետրոսյանի գլխին էլ են մութ ամպեր կուտակվել. «Հրապարակ» Հրաժարական. Խարդավանքները հաղթեցին բանականությանը. Գևորգյան Արարատ Միրզոյանը հանդիպել է Ֆրանսիայի նորանշանակ նախարար Ժան-Նոել Բարոյին