Մելիքսեթ Պողոսյանի դուխով գործընկերները, ով և ինչ պատճառով է հրաժարական տվել

Տարբեր առիթներով արդեն իսկ նշել ենք, որ, ի տարբերություն իրենց արտասահմանյան գործընկերների` հայ պաշտոնյաները շատ մեծ դժվարությամբ են հրաժարվում զբաղեցրած պաշտոններից: Սա վերաբերվում է նաև մարզպետներին, ռեգիոնների ղեկավարներին:

Դիցուք՝ համեմատենք Սյունիքի մարզպետ Մելիքսեթ Պողոսյանի և նրա օտարազգի գործընկերների վարքագիծը:

Միսուրի նահանգի ղեկավար Էրիկ Գրեյթենսը հրաժարական էր ներկայացրել շատ պիկանտ պատմության ֆոնին, որը կապված էր վերջինիս սիրուհու հետ: Նա մեղադրվում էր ուրիշի անձնական կյանք անհարկի միջամտելու մեջ:

Տոկիոյի նահանգապետ Յեթի Մասուդզոյեն հրաժարական էր ներկայացրել կոռուպցիոն սկանդալից հետո: Նա ընտանեկան ճանապարհորդությունները կատարել էր պետական բյուջեի հաշվին:

Նյու Յորքի նահանգապետ Էլիոթ Սպիցերը հրաժարվեց պաշտոնից այն բանից հետո, երբ մամուլում հայտնվեց տեղեկություն, թե վերջինս այցելել է հասարակաց տուն:

Օրեգոնի նահանգապետ Ջոն Կիցխաբերը հրաժարական ներկայացրեց, այն բանից հետո, երբ որոշակի պաշտոնեական չարաշահումներ ի հայտ եկան՝ կապված վերջինիս հարսնացուի աշխատանքի հետ: 

Լիպեցկի շրջանի ղեկավար Օլեգ Կորոլյովը ստիպված վայր դրեց լիազորությունները՝ հարբած վիճակում ավտոմեքենա վարելուց և ճանապարհատրանսպորտային պատահար հրահրելուց հետո:

Այժմ գանք Հայաստան. Սյունիքի մարզպետ Մելիքսեթ Պողոսյանին մամուլը մի քանի անգամ բռնացրեց սահմանային իրավիճակի մասին սուտ խոսալու մեջ: Մարզպետի ասածները և իրականությունը, մեղմ ասած, չէին համապատասխանում: Այնուհետև ի հայտ եկավ սկանդալը` կապված նախընտրական շրջանում մարզում ծավալված բռնությունների և սոցիալական օգնության տեսքով՝ լեգալ ընտրակաշառք բաժանելու շուրջ: Պողոսյանի որդին հայտնվեց կրիմինալ պատմության կիզակետում, նրան երկար ժամանակ որոնում էին իրավապահները, մինչդեռ ինքը` Պողոսյանն, անգամ հարկ չհամարեց այդ սկանդալից հետո վայր դնել լիազորությունները: Էլ չենք խոսում այն մասին, որ Պողոսյանը մատը մատին անգամ չի խփում մարզի բնակիչներին բացատրելու համար, թե ինչպես են մարզի հողերը հանկարծ հայտնվում ադրբեջանական վերահսկողության ներքո: Թերևս, ի տարբերություն իր գործընկերների` Մելիքսեթ Պողոսյանի դուխը չի ներում անել դա: