Իսրայելցիները ստեղծել են մարդկանց տեղափոխելու ուսապարկ

Իսրայելցի գիտնականները վիրավոր մարտիկներին փոխադրելու համար հատուկ ուսապարկ են հայտնագործել։

Այն թույլ է տալիս տեղափոխել վիրավորին, ընդ որում՝ փրկարարի ձեռքերը ազատ են մնում՝ շնորհիվ ամրագոտիների հատուկ համակարգի։ Տուժածին հարմար դիրքով տեղադրում են ուսապարկում, ինչը թույլ է տալիս մարդուն ազատ տեղաշարժվել։

Հայտնագործությունը մեծ կարևորություն ունի հատկապես զինվորականների համար, որոնք ոչ միայն կկարողանան փրկել վիրավոր ընկերներին, այլև պաշտպանվել հնարավորություն կունենան։

Բացի այդ` ուսապարկը օգտակար կարող է լինել նաև պրոֆեսիոնալ փրկարարների համար՝ չնայած ծանր վիրավորներին տեղափոխելու համար նախատեսված պատգարակներին դրանք փոխարինել չեն կարողանա։