Ձախողված թավշյա դիվանագիտությունն ընդդեմ թուրքական «ծանր հրետանու»

Հայաստան-Թուրքիա երկխոսության գործընթացում Հայաստանի հատուկ ներկայացուցիչը կլինի ՀՀ ԱԺ նախագահի տեղակալ Ռուբեն Ռուբինյանը: Այս նորությունը բավականին մեծ աղմուկ է բարձրացրել հանրության շրջանում, քանի որ բոլորն էլ հասկանում են, որ ՀՀ-ի և Թուրքիայի ընտրված ներկայացուցիչները ներկայացնում են տարբեր քաշային կատեգորիաներ: Այսպես՝ Ռուբինյանի վիզավին լինելու է 30 տարվա դիվանագիտական փորձ ունեցող Քըլըչը, ով ժամանակին զբաղեցրել է Թուրքիայի անվտանգության խորհրդի քարտուղարի, ԱՄՆ-ում Թուրքիայի դեսպանի պաշտոնները:

Իսկ ինչո՞վ է հայտնի Ռուբինյանը: Վերջինս իր մի քանի տարվա դիվանագիտական կարիերայում հասցրել է այնպիսի կիքսեր անել, որոնք յուղոտ հետք են թողել Հայաստանի իմիջի վրա: Բոլորի հիշողության մեջ թարմ է Ռուբինյանի կողմից քվեարկության կոճակներ շփոթելու դեպքը, երբ ՌԴ պատվիրակության հետ հետո ստիպված մերձեցման երեկոներ էին կազմակերպվում՝ դրվագը, իսկ ավելի ճիշտ կլինի ասել` դիվանագիտական սկանդալը հարթելու համար:

Այնուհետև Ռուբինյանը մի քանի անգամ ձախողել է ԵԽԽՎ-ում հայկական պատվիրակության կողմից ՀՀ շահերի պատշաճ պաշտպանությունը, ընդունվել են մի շարք հակահայկական բանաձևեր: 

Ռուբինյանին չէր հաջողվել անգամ գերիների հարցն ընդգրկել ԵԽԽՎ լիագումար նիստի օրակարգում:

Այնուհետև Ռուբինյանը փոխել և սխալ էր ներկայացնում ԵԽԽՎ տարածած հայտարարությունը: Բանն այն է, որ ԵԽԽՎ համազեկուցողներն իրենց խիստ գնահատականն են արտահայտել ՀՀ-ում գործող իշխանության ճյուղերից երկուսի՝ գործադիր և դատական իշխանության, մասնավորապես` վարչապետի աշխատակազմի և Սահմանադրական դատարանի միջև առկա լարվածության վերաբերյալ; Նրանք մի քանի կետով անդրադարձել են գործադիրի իրականացրած քայլերին՝ ընդդեմ Սահմանադրական դատարանի։ Տեքստը անգլերեն թարգմանել և իր էջում դրել էր ԵԽԽՎ հայաստանյան պատվիրակության նախկին ղեկավար, արդարադատության նախկին նախարար Արփինե Հովհաննիսյանը։ Ու հանկարծ տեսնում ենք, որ ԵԽԽՎ մեր պատվիրակության գործող ղեկավար Ռուբեն Ռուբինյանը նույն հայտարարությունը իր էջում տեղադրել է լրիվ այլ կոնտեքստում թարգմանած, որտեղ բուն հայտարարության իմաստը 180 աստիճանով շուռ տված է ներկայացրել։

Եթե Ռուբեն Ռուբինյանի ֆեյսբուքյան էջում ԵԽԽՎ-ում իր ելույթների վերաբերյալ հրապարակումները չլինեն` դժվար կլիներ ենթադրել, որ նա որևէ կապ ունի արտաքին հարաբերությունների հետ։ Չկա որևէ գրառում արտաքին քաղաքականության կամ իրադարձությունների կամ գոնե Արցախյան հիմնահարցի վերաբերյալ։ Փոխարենը` պատգամավորը շատ ակտիվ է ներքաղաքական իրավիճակների վերաբերյալ հրապարակումներ կատարելիս, որևէ առիթ բաց չի թողնում գովելու ինքն իրեն, իր հեղափոխական ընկերներին:

Հաշվի առնելով, թե ինչպիսի դիվանագիտական «բագաժով» է ներկայանալու Ռուբինյանն այս բանակցություններին՝ կարող ենք փաստել, որ Հայաստանի համար դրանք ավարտված են դեռևս չսկսված...:

Այս թեմայով Երբ ասում ես` Թուրքիան լինի միջնորդ, փաստացի քո դեմ ևս մեկ թշնամի ես դնում ու ասում՝ երկուսի դեմ պայքարեմ. Քաղաքագետ Փաշինյանն ու Էրդողանը Նյու Յորքում բանակցություններ կվարեն․ Sabah «Եթե Թուրքիան քաղաքական կամք ունենա, մեր հարաբերությունները հենց վաղն ամբողջությամբ կկարգավորվեն». Ռուբինյան ԱՀԿ-ն նախքան կապիկի ծաղիկի դեմ պատվաստանյութի հաստատումը թույլատրում է դրանք գնելու բանակցություններ սկսել Ուկրաինայի՝ Կուրսկի մարզ ներխուժումից հետո Կիևի հետ բանակցություններ չեն կարող լինել․ Լավրով