Անահիտ Ավանեսյանը «մոռացե՞լ» է, թե որ գերատեսչությունն է ղեկավարում

Վերջին օրերին հաճախակիացել են լուրերն այն մասին, որ մոտական ժամանակներում վճարովի են դառնալու նաև կորոնավիրուսի դեմ պատվաստումը: Քանի որ Նոր Հայաստանում այլևս ոչնչից զարմանալ պետք չէ, այս լուրն էլ քաղաքացիները բավական լրջորեն ընդունեցին: Նախարարությունից խոսնակը, ի պատասխան լրատվամիջոցների հարցի, ոչ հաստատեց, ոչ էլ հերքեց լուրը․ «Կորոնայի հետ կապված որոշումները գիտեք ՝ իրավիճակային են, ներկա պահին ոչինչ չեմ կարող ասել»։ Ահա և ողջ պատասխանը, որը նշանակում է՝ ավելի քան հավանական է, որ պատվաստանյութը դառնա վճարովի:

Ընդհանրապես, արդեն դժվար է հասկանալ՝ Անահիտ Ավանեսյանը ո՞ր գերատեսչության ղեկավարն է՝ էկոնոմիկայի՞, ֆինանսների՞, թե վերջ ի վերջո առողջապահության: Անգամ ֆինանսերի նախարարը, ՊԵԿ նախագահն այդքան մտահոգված չեն բյուջեն լցնելով, որքան Անահիտ Ավանեսյանը: Ստացվում է, որ այն պատվաստանյութը որն այս կամ այն երկրները նվիրում են Հայաստանին, իշխանությունները ցանկանում են վաճառել քաղաքացիների վրա: Անգամ ամենաաղքատ երկրները չեն գնացել նման քայլի՝ առևտրի վերածելով իրենց քաղաքացիների կյանքն ու առողջությունը: Իսկ գուցե նախարարությունը իրականում չունի՞ որևէ նպատակ գնալու ընդդեմ ԱՀԿ սահմանված սկզբունքների և իրական նպատակն այլ է. օրինակ այն, որ քաղաքացիները շտապեն պատվաստվելու, քանի դեռ նրանցից կլորիկ գումար դրա դիմաց չեն պահանջել: Ամեն դեպքում, թե իսկապես նման քայլի գնալը, թե նման մանիպուլյացիան լիարժեքորեն այս իշխանությունների ձեռագրին համապատասխանում են....: