Կպատժի՞ արդյոք Նիկոլ Փաշինյանը Լոռու ՔՊ-ական մարզպետին

Դեկտեմբերի 5-ին Վանաձորում կայացած ՏԻՄ ընտրություններից հետո մութ ամպեր են կուտակվում Լոռու ՔՊ-ական մարզպետ Արամ Խաչատրյանի գլխին: Բանն այն է, որ Վանաձորի համայնքապետի ՔՊ-ական թեկնածուն հենց Խաչատրյանն էր, ով նույնիսկ պատրաստ էր գնալ պաշտոնի իջեցման, սակայն, դրան, ինչպես երևում է, պատրաստ չէին ընտրողները. արդյունքում` Խաչատրյանը պարտվեց անգամ սեփական թաղամասում, իսկ համայնքապետ ընտրվեց Վանաձորի գործող քաղաքագլուխ Մամիկոն Ասլանյանը:

Դրանից հետո, ինչպես և ակնկալվում էր, Խաչատրյանն ու ՔՊ-ն անցան ռեպրեսիաների: Մամիկոն Ասլանյանը կալանավորվեց, քաղաքապետարանի ևս երկու աշխատակիցների բերման էին ենթարկել և թվում էր, որ Ասլանյանի ընտրվելն այլևս անհնար է: Բանն այն է, որ «Մամիկոն Ասլանյան» դաշինքը  Վանաձորում ստացել է 49 տոկոս ձայն եւ բանակցություններ էին ընթանում «Հայրենիք» կուսակցության հետ, որը մոտ 5 տոկոս ձայն էր ստացել: Այս ընթացքում անասելի ճնշումներ են գործադրվել եւ «Հայրենիք» կուսակցության նախագահ Արթուր Վանեցյանի, եւ նրանց Վանաձորի թեկնածուի` Վահե Դոխոյանի նկատմամբ, որ այս միավորումը տեղի չունենա: Բայց չի ստացվել: Փոխարենը` ամեն ինչ արել են, որպեսզի ավագանի անցած մյուս ուժերը` Արկադի Փելեշյանը` Ական, եւ «Լուսավոր Հայաստան»-ը միանան ՔՊ-ին, եւ Արամ Խաչատրյանը դառնա քաղաքապետ: Թվում էր` Մամիկոն Ասլանյանի հետ աշխատած Ական, որը հեղինակություն է Վանաձորում, չպետք է ենթարկվեր ճնշումներին, իսկ Էդմոն Մարուքյանի «Լուսավոր Հայաստանը» պետք է ձեռնպահ մնար ՔՊ-ի հետ միավորվելուց, քանի որ իրեն ընդդիմություն է հռչակել, սակայն, պարզվում է` ոչ:  «Լուսավոր Հայաստանը» դիմել էր դատարան` ժամանակ շահել, որպեսզի իշխանությունը Ասլանյանին հետապնդելու ձեւական պրոցեդուրան հասցնի իրականացնել և կորզել համայնքապետի աթոռը:

Սակայն, ինչ-որ բան այնպես չի գնացել: Հայտնի է դարձել, որ Արամ Խաչատրյանը ինքնաբացարկ է ներկայացրել, ինչը ենթադրում է, որ ՔՊ-ն հետքայլ է անում և առանձնապես հույսեր չունի՝ համայնքապետի պաշտոնի հետ կապված: Իսկ սա նշանակում է, որ մարզպետ Խաչատրյանը ավտոմատ հայտնվում է ռիսկի գոտում, քանի որ հենց նրա տապալման արդյունքում էլ ՔՊ-ն կորցրեց Հայաստանի մեծությամբ երրորդ քաղաքը: Կների՞ նրան Նիկոլ Փաշինյանը, թե Խաչատրյանին սպասում է Շիրակի երկու նախկին մարզպետների՝ Հովհաննես Հարությունյանի և Կարեն Սարուխանյանի ճակատագիրը: Խաչատրյանի գործերը բարդանում են այնքանով, որ արդեն վաղուց էր հայտնի՝ ՔՊ-ական պատգամավոր Արփի Դավոյանը դեմ չէ տեղափոխվել մարզպետարան և զբաղեցնել Խաչատրյանի տեղը: Իսկ սկանդալային պատմությունների պակաս, որոնց մեջ այս ընթացքում հայտնվել էր Խաչատրյանը, չկա: Սկսած ընտրությունների նախաշեմին բյուջեից սոցիալական օգնություն բաժանելուց, վերջացրած՝ գողացված պետհամարանիշներով ավտոմեքենայով երթևեկելուց:

Չի բացառվում, որ իշխանությունները հիշեն իրենց տապալված թիմակցի այս քայլերը և վերջինիս դեմ նույնպես քրեական գործեր հարուցվեն: Գուցե դա էլ կանխազգալով մարզպետը ընդհատակ է անցել. նախկինում նա գրեթե յուրաքանչյուր օր գրառումներ էր անում, մարզպետարանի կայքում նրա անունից հայտարարություններ էին տեղադրվում, իսկ այժմ լռություն է:

Այս թեմայով Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան «Խայտառակություն, Սուրբ պատարագը դեռ չավարտված՝ ՀՀ վարչապետ Նիկոլ Փաշինյանը եւ բարձրաստիճան այլ պաշտոնյաներ լքեցին Էջմիածնի Մայր տաճարը». Արամ Կարապետյան Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան Նիկոլ Փաշինյանն ու Աննա Հակոբյանը թիկնապահների ուղեկցությամբ մտան Մայր Տաճար. (տեսանյութ)