Դիլիջանի համայնքապետի «հեղափոխական» փոփոխությունները

Երբ շուրջ մեկ տարի առաջ Դիլիջան քաղաքի ղեկավարի ԺՊ էր նշանակվում Դավիթ Սարգսյանը, վերջինիս հետ բավականին մեծ հույսեր էին կապվում, ի վերջո նա հեղափոխական թիմից էր և, ըստ էության, պետք  է հեղափոխությունը բերեր Դիլիջան: Բացի այդ, նա նաև հույս էր տվել դիլիջանցիներին, որ իրենց հարազատ քաղաքը կդառնա տուրիզմի կենտրոն, ի վերջո վերջին ՏԻՄ ընտրություններում նա հաղթեց հենց ժողովրդին տված խոստումների շնորհիվ:

Սակայն, համայքնապետարանի պաշտոնական կայքից բնավ չի երևում, որ այս կառույցում օր ու գիշեր աշխատում են՝ տված խոստումները կյանքի կոչելու նպատակով:

Դիցուք՝ բացելով կայքը տեսնում ենք, որ համայնքապետարանը հանրությանը տեղյակ է պահում շախմատի մրցույթի անցկացման, Ամանորին նվիրված զրույց-քննարկման, պատանեկան բազկամարտի առաջնության, մշակույթի տանը ամանօրյա հեքիաթ ներկայացման,  հին լամպերը գերխնայող լամպերով փոխարինելու,«Ռոբոտը և արհեստական խելքը» մրցույթ–ցուցահանդեսի,  Հունահռոմեական ոճի ըմբշամարտի դեռահասների և պատանիների 2021թ Ստեփանավան քաղաքի բաց առաջնության, «Տվյալագիտության (Data Science)» և «ՏՏ վաճառքների (IT Sales)» առցանց դասընթացներ,Դդմի փառատոնի մասին և այլն:

Ոչ մի բառ համայնքապետի ակտիվ հանդիպումների, առաջարկած նորանոր ծրագրերի, դրանց կատարման ընթացքի, հորդացող ներդրումների մասին: Տպավորություն է, որ գործ ունենք ոչ թե հեղափոխական համայքնապետի ղեկավարած կառույցի, այլ սովետական պատի թերթի հետ, որտեղ հավաքված են տվյալ պիոներական ճամբարի սաների սպորտային և մշակութային ձեռքբերումները:

Տեսնես ո՞ւր են մնացել Դավիթ Սարգսյանի խոստումները, համենայնդեպս դրանց կատարման ընթացքի մասին համայնքապետարանի պաշտոնական կայքը գրեթե ոչինչ չի հայտնում:

Այս թեմայով Սեպտեմբերի 13-ին բնություն կարձակվի «Դիլիջան» ազգային պարկում բուծված եղջերուների երկրորդ խումբը Գնել Սանոսյանը դժգոհել է Դիլիջան-Վանաձոր հատվածում իրականացվող աշխատանքների տեմպից Դիլիջան-Իջևան ճանապարհին տեղի ունեցած ավտովթարից տուժածներից մեկը հիվանդանոցում մահացել է․ կա 2 զոհ Կդադարեցվի Դիլիջան քաղաքի ջրամատակարարումը Դիլիջան ազգային պարկում ծառահատումներ են․ ահազանգ