ՔՊ-ի «փրկիչը». Արամ Մելքոնյանը փորձում է յուրացնել իշխանությունը Վարդենիսում

Հետընտրական կրքերը չեն հանդարտվում նաև Վարդենիսում, այստեղ ՔՊ-ն ջանք ու եռանդ չի խնայում՝ Գյումրիի, Թալինի օրինակով խլել իշխանությունն ընդդիմությունից: Օրերս հայտնի դարձավ, որ Վարչական դատարանը մերժել է «Միասնական Վարդենիս» դաշինքի ներկայացրած բողոքը` Վարդենիս համայնքի ՏԻՄ ընտրությունների հետ կապված։

«Միասնական Վարդենիսը» վիճարկել էր 21 Տարածքային ընտրական հանձնաժողովի որոշումը, որով ՏԻՄ ընտրություններում Վարդենիս համայնքի մանդատները բաշխվել են հետևյալ կերպ՝ ՔՊ-ին` 13, «Ահարոն Խաչատրյան» դաշինքին` 10 և «Միասնական Վարդենիսին»` 4։ Ըստ նրա, մինչև այդ՝ դեկտեմբերի 5-ին, արդյունքներն այլ կերպ էին բաշխված՝ «Միասնական Վարդենիսն» ուներ` 5,  «Ահարոն Խաչատրյան» դաշինքը` 10, իսկ ՔՊ-ն 12 մանդատ։ Դրանից հետո ՔՊ-ն միջնորդում է  վերահաշվարկ իրականացնել։ 6 տեղամասում իրականացվում է  վերահաշվարկ, որի արդյունքում 1 ձայն ավելացվում է։ Դրանից հետո էլ կալանավորվում է «Միասնական Վարդենիս» դաշինքի համար մեկ թեկնածուին, որպեսզի չկարողանա մասնակցի ավագանու առաջին նիստին, ձայները լինեն 13/13, չընտրվի համայնքի ղեկավար: Կստացվի այս սցենարը, թե չէ՝ ցույց կտա ժամանակը:

Իշխանությունը Վարդենիսում տեսնելով, որ չի ստացվում ճնշել ընդդիմությանը եւ համոզիչ ձեւով քրգործեր կարել` անցել է «պլան Բ»-ի իրագործմանը: Այն է՝ փոխել քաղաքապետի ՔՊ թեկնածուին՝ Վարդենիսի քաղաքապետ Արամ Մելքոնյանին, մեկ այլ՝ միավորված ընդդիմադիր գյուղապետերի համար ավելի ցանկալի կերպարով: Ըստ էության, սա Գեղարքունիքի մարզպետ Կարեն Սարգսյանի ծրագիրն է, իսկ նոր «քաղաքապետացուն» նրա մտերիմ Վարդենիսի փոխքաղաքապետ, ՔՊ ցուցակի երկրորդ համար Արտակ Մանուկյանն է: Հիշեցնենք, որ քաղաքապետ Արամ Մելքոնյանը տարածքային կառավարման եւ ենթակառուցվածքների նախարար Գնել Սանոսյանի մտերիմն է:  Քանի որ դեռևս համայնքապետի թեկնածուին փոխելու մասին որոշում չի կայացվել, պետք է ենթադրել, որ Սանոսյանը այս միկրոմենամարտում հաղթող է դուրս եկել:

Իսկ մինչ ավագանու նիստը, ՔՊ-ի հույսը մնում են քաղաքական ռեպրեսիաները: ՔՊ-ի համար անչափ կարևոր է սահմանամերձ դարձած Վարդենիսում ունենալ յուրային համայնքապետ և այդ նպատակին հասնելու համար իշխանության ներկայացուցիրները չեն խորշի անգամ ժողովրդի կամարտահայտության վրա աչք փակելուց, տարատեսակ ճնշումներից և խախտումներից:

Այս թեմայով Գեղարքունիքում բախվել են Վարդենիս-Երևան երթուղու «ГАЗель»-ն ու «Kia»-ն. կա 7 տուժած Եղեգնաձոր, Արարատ և Վարդենիս համայնքներում մարզահամալիրներ կկառուցվեն 7 տարի առաջ այս օրը Վարդենիս-Մարտակերտ ճանապարհի պաշտոնական բացումն էր. Աբրահամյան Հիմնանորոգվում է Շորժա-Վարդենիս միջպետական նշանակության ճանապարհը Վարդենիս համայնքի ղեկավարը պարգևատրել է միջազգային մրցույթ -փառատոնի մրցանակակրին և նրա ուսուցչին