Չինաստանում զգուշացնում են կուսակցական կարգապահության մասին

Ամեն ոք, ով խախտում է կարգապահությունը Չինաստանի Կոմունիստական կուսակցությունում (CPC), պետք է խստորեն պատժվի՝ անկախ զբաղեցրած պաշտոնից. նշվում է Xinhua չինական պետական լրատվական գործակալության տարածած հաղորդագրության մեջ:

Հայտարարությունը հրապարակվեց, երբ չինական մամուլը հայտարարեց վարկաբեկված քաղաքական գործիչ Բո Սիլայի՝ Կոմունիստական կուսակցությունից հանելու մասին: Ըստ գործակալության՝ նախկին կուսակցականի դեմ կառաջադրվեն մեղադրանքներ կոռուպցիայի և լիազորություննրի չարաշահման համար:

Հիշեցնենք, որ օգոստոսի 20-ին դատարանը Չունցին քաղաքի նախկին ղեկավար, Չինաստանի Կոմունիստական կուսակցության նախկին անդամ Բո Սիլայի կնոջը՝ Գու Կայլային մահվան էր դատապարտել երկու տարվա հետաձգմամբ: Կինը մեղավոր է ճանաչվել բրիտանացի գործարարի սպանության գործով: