Փաշինյանը շարունակում է Կարեն Կարապետյանի կիսատ թողած գործերը

Իշխող ՔՊ-ն ԱԺ-ում ժողովրդի լեզվով ասած՝ վիզ դրած փորձում է անացկացնել նախագծեր, որոնց քաղաքական կնքահայրը նախկին վարչապետ Կարեն Կարապետյանն է:

Հենց նա էր պնդում, որ անկանխիկ վճարումների անցումը և դրանց ծավալի մեծացումը բերելու է կոռուպցիայի թուլացմանը և հենց նա էր հայտարում, որ հատկապես օդանավակայանում տաքսի ծառայությունները պետք է գործեն օրենքի շրջանակներում՝ հատուկ օրենսդրական կարգավորումներ առաջարկելով: Հիմա էլ ՔՊ-ականներն են որոշել, որ օդանավակայանում աշխատող տաքսի ծառայությունները պետք է լիցենզավորվեն: 

Նախկինում, երբ գործող իշխանության կարկառուն դեմքերն ընդդիմադիր պատգամավորներ կամ ակտիվիստներ էին, ցանկացած նման նախաձեռնություն հսկայական քննադատության ալիք էր բարձրացնում նրանց կողմից. նրանք պահանջում էին չխփել առանց այդ էլ ծայրը ծայրին մի կերպ հասցնող տաքսիստներին: Գալով իշխանության` նրանք մոռացան իրենց հեղափոխական ամպլուաները, և մեկը մյուսի հետևից շարունակում են նախկինների, տվյալ դեպքում՝ նախկին վարչապետ Կարեն Կարապետյանի կիսատ թողած գործերը...