Բակեն Թունյանը «կոծկում» է Փաշինյանի ձախողումը

Այսօր ԱԺ ամբիոնից պատգամավոր Բաբկեն Թունյանը հայտարարեց, որ ընդդիմադիր երեսփոխանների հայտարարություններում որոշակի հստակություն է պետք մտցնել: Թունյանը նշեց, որ ոչ թե արտաքին պարտքն է հատել 10 միլիարդի շեմը, այլ պետական պարտքը: Իրականում Բաբկեն Թունյանը ճիշտ է, քանի որ ՀՀ արտաքին պարտքը նախորդ տարվա դրությամբ 6 միլիարդ էր: Հայաստանի պետական պարտքի մեծ մասը արտաքին պարտքն է՝ միջազգային կազմակերպություններից ու օտարերկրյա պետություններից ստացված վարկերն ու փոխառությունները, արտարժութային պետական պարտատոմսերի թողարկումից ստացված գումարները։ Այս աճը մեծ մասամբ պայմանավորված է նախորդ տարվա հունվարին ներգրավված 750 մլն դոլար պարտքով։ Հունվարի 26-ին Հայաստանի կառավարությունը կապիտալի միջազգային շուկայում տեղաբաշխել է 750 մլն ԱՄՆ դոլար ծավալով, 10 տարի մարման ժամկետով, 3.875% եկամտաբերությամբ եվրապարտատոմսեր։ Իսկ ավելի պարզ ասած՝ 10 տարով 750 մլն դոլարի պարտք է վերցրել արտաքին աշխարհից։ 

Հայաստանի արտաքին պարտքը 2021 թվականի հոկտեմբերի 31-ի դրությամբ կազմել է 6 մլրդ 706.786 մլն դոլար` սեպտեմբերի համեմատ աճելով 41.218 մլն դոլարով։ Իսկ  2020 թվականի տարեվերջի համեմատ արտաքին պարտքը 2021-ի հոկտեմբերի վերջի դրությամբ աճել է 701․342 մլն դոլարով։ Արտաքին պարտքից 6 մլրդ 232.502 մլն դոլարը ՀՀ կառավարության պարտքն է։

Այսպիսով, այո, արտաքին պարտքը դեռևս, փառք Աստծո, հեռու է 10 միլիարդ դոլարի շեմից. սակայն, պետք է նաև նշել, որ պետական պարտքը աճել է հենց արտաքին պարտք ներգրավելու արդյունքում, և Բաբկեն Թունյանը` իբրև փորձառու տնտեսագետ, չէր կարող չիմանալ դա, պարզապես պատգամավորը ներկայացրել է իրականության մեկ այլ՝ իշխանություններին ավելի ձեռնտու կողմը, որը մեկ անգամ ևս նշենք՝ կեղծիք չէր, պարզապես ոչ ամբողջական ճշմարտությունն էր ներկայացված պատգամավորի կողմից: Իրականում այն, որ պետական պարտքը աճում է, Թունյանի ձախողումը չէ, այլ Նիկոլ Փաշինյանինն է, և պատգամավորն, իրականությունն այդպես ներկայացնելով, առավելագույնս կոծկում է վարչապետի այդ ձախողումը...

Այս թեմայով ՄԱԿ է գնացել՝ հեծանվի հայտնագործության գյուտով․ Կարևորը «պոզիտիվ» մտածելն է․ Պատգամավորը՝ Փաշինյանի ելույթի մասին Շիրակի մարզի ֆերմերներն այս տարի ևս կանգնած են բերքն իրացնելու լուրջ խնդրի առաջ․ պատգամավոր Դոնբաս այցից հետո Մոսկվայում հանդիպեցինք ՌԴ պետդումայի պատգամավոր Կոնստանտին Զատուլինի հետ. Թևանյան Դոնբաս այցից հետո Մոսկվայում հանդիպեցինք ՌԴ պետդումայի պատգամավոր Կոնստանտին Զատուլինի հետ. Թևանյան Դոնբաս այցից հետո Մոսկվայում հանդիպեցինք ՌԴ պետդումայի պատգամավոր Կոնստանտին Զատուլինի հետ. Թևանյան