Պետք է պատասխան տան ՀՀ նախագահը, վարչապետը, ԱԳ նախարարը (տեսանյութ)

«ՄԱԿ-ի եվրոպական տնտեսական հանձնաժողովին կից Օրհուսի կոնվեցիայի համապատասխանության կոմիտեն  արդեն իսկ որոշում էր ընդունել, որ Հայաստանը ձախողել է կոնվեցիան՝ խախտելով 3-րդ և  6-րդ հոդվածները։ Դրանք վերաբերում են հասարակության մասնակցությանը շրջակա միջավայրին վերաբերող որոշումների կայացմանը։ Այդ ժամանակ դեռևս դատական գործերն ընթացքի մեջ էին, և մենք չէինք կարող  9-րդ հոդվածի խախտումների մասին խոսել։ Այս հոդվածը դատական մատչելիության է վերաբերում, այն, էր ՀԿ-ներն իրավունք ունեն վիճարկելու կառավարության այն որոշումները, որոնք խախտում են կոնվեցիան»։ Այս մասին լրագրողների հետ հանդիպմանն ասած Թեղուտի պաշտպանության քաղաքացիական նախաձեռնության անդամ, իրավաբան Արթուր Գրիգորյանը՝ խոսելով այն մասին, որ Հայաստանում ՀԿ-ները զրկվել  են Թեղուտի շահագործման թույլտվությունները դատական կարգով վիճարկելու հնարավորությունից։

Բնապահպանի խոսքով Ժնևում կայացած հանդիպմանը բնապահպանության նախարարության ներկայացուցրիչները «գյուլնազ տատիի» ժանրի ստեղծագործություն են ներկայացրել, թե ինչպես է ՀՀ դատական համակարգը թույլ տալիս  ՀԿ-ներին դիմել դատարան, անգամ՝ այս գործն ամբողջությամբ լսվել է։  Իրավաբանը սա որակեց բացահայտ սուտ ինֆորմացիա է և հավելեց, որ այս ամենի վերաբերյալ նրանք գրավոր դիրքորոշում են արտահայտել։ 

Ժնևում տեղի ունեցած հանդիպմանը ներկա է եղել նաև  Հայաստանում Օրհուսի կոնվենցիայի ազգային համակարգող Աիդա Իսկոյանը և «Վալեքս» գրուպի իրավաբան։

Բնապահպանը զարմանում է, թե ինչու է Հայաստանը ներկայացնում մասնավոր առևտրային կազմակերպության ներկայացուցիչը, ով իրավունք չուներ հանդես գալ պետության անունից։ Իսկ այն հարցին, թե ինչու է ներկայացել, Աիդա Իսկոյանը հայտարարել է, թե նա է հրավիրել։ Սա կոնվեցիայի երկրորդ հոդվածի խախատում է. «նա իրավունք չուներ հանդես գալ ՀՀ-ի անունից, այն ցածր մակարդակը, որ նրանք ցուցաբերեցին գցում են ՀՀ-ի վարկանիշը»-հավելեց Արթուր Գրիգորյանը։

«Այս ամենի համար պետք է առաջնահերթ պատասխան տա բնապահպանության նախարարը, այնուհետև  ՀՀ նախագահը, վարչապետը, արտաքին գործերի նախարարը։ Միջազգային պայմանագրերի մասին օրենքի 51-րդ հոդվածի ուժով նրանք անմիջական պատասխանատվություն են կրում ՀՀ-ի միջազգային պարտավորությունները պատշաճ կերպով իրականացման համար»- ասաց վերջինս։

Այս ամենից բնապահպանը ենթադրում է՝ «Ի վերջո բնապահպանություն հորջորջովող նախարարությունը և այդ «հանքաթափոնային» կառույցը նույն են։

 Նելլի Ավետիսյան