Հաիթիի մայրաքաղաքի բնակիչները իշխանությունների դեմ բողոքի ցույց են անցկացրել

Հաիթիի մայրաքաղաք Պորտ-օ-Պրենսում կիրակի երեկոյան մի քանի հազար մարդ դուրս էր եկել բողոքի ցույցի՝ ընդդեմ նախագահ Միշել Մարտեյիի և նրա կառավարության քաղաքականության. գրում է Радио Свобода-ն։

Ցույցի մասնակիցները՝ հիմնականում Հաիթիի նախկին նախագահ Ժան Բերտրան Արիստիդի կողմնակիցները, հավաքվելով ներկայիս նախագահի նստավայրի առջև, բողոքում էին կառավարության կողմից սոցիալական երաշխիքների և աջակցության բացակայության դեմ։

Հաիթին համարվում է արևմտյան կիսագնդի ամենաաղքատ պետությունը; 2010 թվականի աղետալի երկրաշարժից հետո բնակչության ճնշող մեծամասնությունը ծայրահեղ աղքատության մեջ է ապրում։