Ե՛տ կանչեք միջնորդագիրը. Արծվիկ Մինասյան

ԱԺ ՀՅԴ խմբակցության պատգամավոր Արծվիկ Մինասյանի խոսքով՝ ԱԺ ԲՀԿ-ական պատգամավոր Վարդան Օսկանյանին անձեռնմխելիությունից զրկելու մասին ՀՀ գլխավոր դատախազ Աղվան Հովսեփյանի ներկայացրած միջնորդագիրն իրավական հիմքեր չունի։

«Եթե սա է իրավական հիմքը, ուրեմն այստեղ նստած յուրաքանչյուրն այս հոդվածով գնալու է։ Մենք չպետք է թույլ տանք, որ աղավաղվի իրավական համակարգը»։

Արծվիկ Մինասյանն իր ելույթի ընթացքում հարցադրում է անում՝  հանձնելով ԱԺ պատգամավորին ո՞ւր ենք ուզում հասնել. վաղը ամեն մեկի դռան առաջ չոքելու է այս ամենը։

«Խնդրում եմ Ձեզ, եկե՛ք այս գործով չխայտառակենք ինքներս մեզ, եթե սա գնա եվրոպական դատական ընթացակարգ սա լինելու է ապտակ Հայաստանին։ Եկե՛ք պայքարենք իրավական պետության համար՝ օգնելով իրավական համակարգին։ Խնդրում  ձեզ ե՛տ կանչեք միջնորդագիրը»,-եզրափակեց պատգամավորը։