Բաբկեն Թունյանը Ռուստամ Բադասյանին թերացման վրա է «բռնե՞լ»

Ազգային ժողովի տնտեսական հարցերի մշտական հանձնաժողովի փոխնախագահ Բաբկեն Թունյանը բացատրել է, թե ինչպես է ստացվել, որ թուրքական որոշ ապրանքների՝ ՀՀ նորմուծման արգելքի պարագայում անգամ դրանք մեր երկրում են հայտնվել:

Նա, մասնավորապես, նշել է, որ ներմուծողները հաճախ փոխել են ապրանքի պիտակն ու այն երրորդ երկրի միջոցով բերել Հայաստան:

Սա իր հերթին նշանակում է, որ ՀՀ մաքսային մարմինները թերացել են և հնարավորություն են տվել օրինախախտներին իրականացնել իրենց ծրագիրը, այն է՝ զարտուղի ճանապարհներով Հայաստան թուրքական ապրանքներ ներկրելը: Սա, ինչ խոսք, բավական կոռեկտ ձևակերպված, սակայն, ամեն դեպքում, մեղադրանք է` ուղղված ՊԵԿ նախագահ Ռուստամ Բադասյանին, քանի որ կառույցի ղեկավարը հենց նա է և, ըստ էության, նա է թերացել, որ թուրքական ապրանքներն այլ պիտակներով սողոսկել են հայկական շուկա: Բադասյանը, ի դեպ, ինքն էլ էր խոսել այս մասին, ըստ էության, ընդունելով խնդիրը: Սակայն, մի բան է ինքդ ընդունես բացդ, այլ բան է, երբ դրան մատնանշում է թիմակիցդ:

Բակեն Թունյանը որպես բավական փորձառու տնտեսագետ մշտապես քննադատության թիրախում է պահում ՀՀ տնտեսական բլոկի ղեկավարներին և առիթը բաց չի թողնում վերջիններիս սայթաքումները ֆիքսելու համար: Այս անգամ էլ թիրախում ՊԵԿ նախագահն է, ում բավական կոռեկտ և տողատակով մեղադրեցին կառավարության ընդունած որոշումները ոչ պատշաճ կատարելու մեջ: