Վաշխառություն՝ հեղափոխական ոճով. ովքե՞ր են «տոկոսով փող» տվող և վերցնող ՔՊ-ականները

Ընդդիմադիր Նիկոլ Փաշինյանը և իր թիմը հաճախ էին մեղադրում նախկին իշխանություններին այն բանի մեջ, որ վերջիններս մեծ սեր ունեն տոկոսով փող տալու հետ: Թեև դրանում որևէ արտառոց բան չկա, սակայն ընդդիմադիրները պնդում էին, որ պետական պաշտոնյային հարիր չէ վաշխառու լինելը, բացի այդ հարց է առաջանում, թե որտեղից նրանց այդքան գումար. անհրաժեշտ է նաև հիմնավորել այդ գումարների ծագումը: Փոխվեց իշխանությունը, սակայն ընդդիմադիրների կողմից քննադատված երևույթները շարունակվեցին նաև Նոր Հայաստանում: Եվ այսպես, ովքեր են այն պաշտոնյաները, որ, այսպես ասած, տոկոսով փող են տալիս և վերցնում:

Տավուշի մարզպետ Հայկ Ղալումյանը հայտարարագրել է 18,150,000.00 դրամի փոխառություն:

Պատգամավոր Արփինե Դավոյանը հայտարարագրել է 25,991,000.00 դրամի փոխառություն:

Բնապահպանության նախկին նախարար էրիկ Գրիգորյանը հայտարարագրել է փոխառություններ, որոնք կազմել են 70 հազար ԱՄՆ դոլար, 38 հազար 105 եվրո ու 4 միլիոն 974 հազար դրամ:

Պատգամավոր Արուսյակ Ջուլհակյանը հայտարարագրել է 2,000,000.00 դրամի փոխառություն:

Պատգամավոր Գևորգ Պապոյանը հայտարարագրել է 21,017,400.00 դրամի փոխառություն: Պարտապանը «Նոյ Ինվեստ» ՍՊԸ-ն է:

 ԿԲ նախկին նախագահ Արթուր Ջավադյանի տրված փոխառությունների (վարկերի) դիմաց ստացված տոկոսը և այլ հատուցումը կազմել է 5,391,337.00 ՀՀ դրամ և 17,011.50, 19,384.00 ԱՄՆ դոլար:

ՀՀ կենտրոնական բանկի խորհրդի անդամ Արթուր Ստեփանյանի տրված փոխառությունների (վարկերի) դիմաց ստացված տոկոսը և այլ հատուցումը կազմել է 1,755,000.00 ՀՀ դրամ:

ՀՀ հատուկ քննչական ծառայության պետին առընթեր հատկապես կարևոր գործերի ավագ քննիչ Արշալույս Մինասյանի տրված փոխառությունների (վարկերի) դիմաց ստացված տոկոսը և այլ հատուցումը կազմել է 797,562.00 ՀՀ դրամ:

 Արդարադատության նախարարի նախկին առաջին տեղակալ Ռաֆիկ Գրիգորյանի տրված փոխառությունների (վարկերի) դիմաց ստացված տոկոսը և այլ հատուցումը կազմել է 574,807.00 ՀՀ դրամ: