New York Post. Թռիչքի ընթացքում պոկվել է ինքնաթիռի նստարանների մի շարքը

American Airlines ավիաընկերության ինքնաթիռում թռիչքի ընթացքում տեղից պոկվել է նստարանների մի ամբողջ շարք։

Ինքնաթիռը, որը թռիչքը սկսել էր Արևելյան Բոստոնում, հարկադրված վայրէջք է կատարել Նյու Յորքի JFK օդանավակայանում։

«Մենք ընկանք տատանման մեջ, և բոլոր նստարանները ցրվեցին ինքնաթիռի ամբողջ սրահում»,- պատմում է American Airlines-ի օդաչու Սեմ Մայերը։ Նա նաև ավելացրել է, որ առաջին անգամ է նման դեպքի պատահում իր 24-ամյա աշխատանքային գործունեության ընթացքում։

Վայրէջքի ժամանակ ինքնաթիռի վառելիքի բաքը լիքն էր, այդ պատճառով, ըստ օդաչուների, ինքնաթիռի վայրէջքը իրականացնելը բավականին բարդ է եղել։ Սակայն այն հաջող է ընթացել, և ոք չի տուժել։

American Airlines-ի ներկայացուցիչների կարծիքով՝ կատարվածում մեղավոր է այն ընկերությունը, որն իրականացնում է ինքնաթիռների տեխնիկական սպասարկումը։ Վայրէջքից հետո կատարված ստուգումը ցույց է տվել, որ մնացած նստարանները սրահում ևս եղել են վատ ամրացված։