Նավաբեկություն Հոնգկոնգում. 36 հոգի զոհվել է

Չինաստանում երկու ուղևորատար նավերի բախման հետևանքով զոհերի թիվը հասել է 36-ի, ավելի քան 100 մարդ է վիրավորվել։ Նրանցից տասը գտնվում է ծայրահեղ ծանր վիճակում. հայտնում է Вести.Ru-ն։

Երկու շոգենավ է բախվել երկուշաբթի օրը Լամմա կղզու ափի մոտ։ Նավակներից մեկը հաշված րոպեների ընթացքում սուզվել է, մինչդեռ երկրորդին հաջողվել է մնալ մակերևույթին։ Սուզված նավում եղել է 124 մարդ։ Բոլորը տեղական ընկերություններից մեկի աշխատակիցներ են. բարեկամների հետ նրանք մեկնում էին Վիկտորիա նավահանգիստ՝ հետևելու Չինաստանի Ժողովրդական Հանրապետության կազմավորման պատվին կայանալիք հրավառությանը։

Որոնողափրկարարական աշխատանքները շարունակվում են։ Նավաբեկության պատճառները պարզում է ոստիկանությունը։