Գեղամ Գևորգյանը սաբոտաժի է ենթարկում Նիկոլ Փաշինյանի հանձնարարականները
Վերլուծական
ՏՄՊՊՀ նախագահ Գեղամ Գևորգյանը կարծես թե այնքան էլ համամիտ չէ վարչապետ Նիկոլ Փաշինյանի տված խիստ հանձնարարականների հետ։ Բանն այն է, որ ՏՄՊՊՀ-ն որոշել է, որ հետհեղափոխական Հայաստանը չպետք է հրապարակայնացնի այն վարչական ակտերը, որոնք առնչվում են շուկայում խոշորացող ընկերությունների հետ, ինչի իրավունքը բացարձակապես չունի՝ թե հանրային շահի դիտանկյունից, թե տեղեկատվության ազատության մասին օրենքը խախտելու առումով: Սա հակասում է ՀՀ գործող բոլոր իրավական նորմերին՝ թաքցնել հասարակությունից արդեն ուժի մեջ մտած գործարքի բոլոր մանրամասները:
Նշենք, որ նույն խնդիրը կարող է ծագել ապահովագրումների, բանկերի և հանրային սպասարկման ցանկացած ոլորտում, ուստի փակ և գաղտնի պահել հասարակությունից ուղիղ իրեն առնչվող տեղեկատվությունը, ոչ մի ռացիոնալ հիմնավորում չունի, որքան էլ վարչապետին կամ մեզ «նորեկ չինովնիկները» փորձեն կերակրել «առևտրային գաղտնիք», «կոմերցիոն շահ» անհեթեթ ձևակերպումներով:
Նիկոլ Փաշինյանը հեղափոխությունից հետո խոստացել էր, որ բիզնեսը գործելու է թափանցիկ դաշտում և քաղաքացիները հնարավորություն են ունենալու վստահվել, որ որևէ կոռուպցիոն գործընթաց տեղի չի ունենում։
Ավելին, Փաշինյանը խիստ հանձնարարական էր տվել պատկան կառույցներին այդ թափանցիկությունը ապահովելու վերաբերյալ։ Սակայն, ինչպես երևում է ` կան անհամաձայններ և այժմ արդեն գնդակը Նիկոլ Փաշինյանի դաշտում է։ Եթե նա լռի իր ենթակաների նման գործելաոճից դա կնշանակի ընդամենը մեկ բան, այն, որ վարչապետի ժամանակին տված խոստումները և հանձնարարականները ընդամենը պոպուլիզմ էին, իսկ օլիգարխների շահերը առաջնային պաշտպանելուն ինքը Փաշինյանն էլ դեմ չէ։
ՈՒՂԻՂ ԵԹԵՐ
Ամենադիտված 
Սպանություն է տեղի ունեցել Երևանում
