Աղվան Հովսեփյան. Օսկանյանն իր ելույթում հեռացել էր իրավական հարթությունից

ԱԺ-ն այսօր շարունակեց իր քառօրյան: Քառօրյան սկսվեց Վարդան Օսկանյանի գործով քննարկումներով: Ելույթով հանդես եկան ինչպես կուսակցական, այնպես էլ անկուսակցական պատգամավորներ:

Պատգամավորների խոսքից հետո ելույթով հանդես եկավ Աղվան Հովսեփյանը:

Աղվան Հովսեփյանն Օսկանյանի երեկվա ելույթը համարեց շատ հուզիչ, որը հիմնականում քաղաքական և բարոյական շրջանակներում էր: Աղվան Հովսեփյանի խոսքերով՝ Օսկանյանն իր ելույթում հեռացել էր իրավական հարթությունից: «Ես նկատեցի, որ այդ հուզիչ ելույթից զգալի թվով պատգամավորներ նաև հուզվեցին»,- նշեց դատախազը:

ՀՀ Գլխավոր դատախազը նշեց նաև, որ նա տեղյակ է, որ եթե Վարդան Օսկանյանին պատգամավորական անձեռմխելությունից զրկեն, ապա նա չի ձերբակալվի:

Աղվան Հովսեփյանն իր ելույթը կշարունակի ընդմիջումից հետո։