Հասարակության կարծիքը Օսկանյանի գործով (հարցումներ, տեսանյութ)

Երկու օր է, ինչ լրատվամիջոցների և հասարակության ուշադրության կենտրոնում է ԱԺ ԲՀԿ խմբակցության պատգամավոր Վարդան Օսկանյանին անձեռնմխելիությունից զրկելու հարցը: Այսօր ԱԺ 129 պատգամավորներից 71-ը մասնակցեց քվերակությանը, որից 64 պատգամավոր կողմ քվեարկեց, իսկ 6-ը` դեմ, անվավեր է ճանաչվել մեկը:

Քվեարկությունը բոյկոտել են ԲՀԿ, ՀԱԿ, ՀՅԴ, «Ժառանգություն» կուսակցությունների խորհրդարանական խմբակցությունները: ԲՀԿ-ն առհասարակ բոյկոտել է քառօրյան: Նաիրա Զոհրաբյանն էլ երեկ հայտարարեց, որ հարցը կբարձրացվի նաև ԵԽԽՎ-ում:

Lurer.com-ը հասարակության շրջանում հարցումներ իրականացրեց` լսելու նաև քաղաքացիների կարծիքը այս առթիվ:

Քաղաքացիների մեծ մասն այս ամենը որակեց որպես քաղաքական պատվեր, շատերը համարում էին, որ  ԱԺ-ի կողմից սխալ որոշում է կայացվել:

Ինչպես միշտ, հասարակության մի ստվար զանգված էլ անտեղյակ էր երկրում տիրող անցուդարձից:

Ստորև դիտեք տեսանյութը։

 Պատրաստեցին Նելլի Ավետիսյանը և Հրաչ Պողոսյանը