ԵԽԽՎ-ն խիստ քննադատության է ենթարկել Ռուսաստանին

«Մոսկվային դուր չի գալիս ԵԽԽՎ-ի ընդունած բանաձևի կոշտ հակառուսական բնույթը»,-ասել է ԵԽԽՎ-ում ռուսական պատվիրակության ղեկավարի տեղակալ Լեոնիդ Սլուցկին. հայտնում է Вести.Ru-ն։

Նախորդ օրը Ստրասբուրգում քննարկում էին Ռուսաստանում ժողովրդավարության վիճակի մասին եվրոպական փորձագետների զեկույցը։ Մոսկվային քննադատում էին Մագնիցկու և Pussy Riot-ի գործերի, ինչպես նաև՝ Աբխազիայի և Հարավային Օսիայի անկախության ճանաչման համար։

Գրեթե 70 զեկուցող է հանդես եկել՝ յուրաքանչյուրը երեք րոպե։ Ռուսաստանին վերաբերող այս զեկույցը քննարկվում է ողջ օրը։ Այսպիսի զեկույցներում խոսվում է այն մասին, թե որքանով է պետությունը կատարում ԵԽԽՎ մտնելիս իր տված խոստումները։ Ռուսական պատվիրակներն այն ռուսաֆոբիա էին անվանում։ Սերգեյ Նարիշկինը դրա պատճառով չմեկնեց Ստրասբուրգ։ Եվրախորհրդարանականները պնդում էին, որ զեկույցը հավասարակշռված է։

Սա առաջին զեկույցն է Ռուսաստանի նկատմամբ 2005 թվականից ի վեր՝ 60 էջ, 550 կետ, որոնց մի մասը՝ դրական առաջընթացի մասին, սակայն քննադատությունը ևս բավարար էր։

Լարվածությունն ավելացել էր նախօրեին, երբ առանց Ռուսաստանի մասնակցության ԵԽԽՎ-ում լեհական դեսպանի նախաձեռնությամբ հարց էր բարձրացվել՝ խստացնել Ռուսաստանի կողմից պարտավորությունների կատարման մոնիթորինգը։ Նախկինում դրանով զբաղվում էր հատուկ հանձնաժողովը։ Այժմ առաջարկ է կատարվում վերահսկողությունը փոխանցել նաև նախարարների հանձնաժողովին։

Բանաձևն ընդունելու համար անհրաժեշտ է պարզ մեծամասնությունը։ Այն ստանում են։ Ռուսաստանին աջակցեցին շատ պետություններ, այդ թվում՝ արևմտաեվրոպական պետությունները։