Լավրով. USAID-ն կասկածելի նախագծեր է իրականացրել Հյուսիսային Կովկասում

Միջազգային զարգացման ամերիկյան գործակալությունը (USAID) կասկածելի նախագծեր է իրականացրել, որոնք պարզորոշ քաղաքական գունավորում ունեին։ Այս մասին «Коммерсантъ» պարբերականին հարցազրույցում ասել է ՌԴ արտաքին գործերի նախարար Սերգեյ Լավրովը, հայտնում է РБК-ն։

Ինչպես պարզաբանել է ռուսական արտաքին գործերի գերատեսչության ղեկավարը, խոսքն ամերիկյան նախագծերի մասին է Հյուսիսային Կովկասում. «Այնտեղ դրամաշնորհներ ստացողները շատ կասկածելի մարդիկ են եղել։ Մենք այդ մասին բազմիցս հայտնել ենք ամերիկացիներին»,-ընդգծել է Լավրորվը։

«Չկան որևէ խոչընդոտներ այն բանի համար, որ Ռուսաստանում USAID-ի վեհ նպատակները դադարեն իրականացվել՝ լինի դա օգնություն հաշմանդամներին և երեխաներին, կրթական կամ սոցիալական բնույթի այլ նախագծեր։ Այդ բոլոր գումարները ամերիկյան կառավարությունը կարող է շարունակել ուղարկել այլ ուղիներով։ Նրանք,ո վքեր զբաղվում են սոցիալական ծրագրերով, առողջապահության խնդիրներով, հաշմանդամների աջակցությամբ և նման հարցերով, կարիք չունեն գրանցվելու որպես օտարերկրյա գործակալներ։ Այս ամենն ամրագրված է նոր օրենքում»,-նշել է Լավրովը։

Ընդ որում, նախարարը բացառել է նմանատիպ միջոցների ձեռնարկումը եվրոպական ֆոնդերի նկատմամբ։