Վահան Քերոբյանը Սամվել Ալեքսանյանի բիզնեսի համար նոր շուկա՞ է բացում

ՀՀ էկոնոմիկայի նախարար Վահան Քերոբյանը մարտի 9-ից երկօրյա աշխատանքային այցով գտնվում է Կատարի մայրաքաղաք Դոհայում՝ Կատարի գործընկեր նախարարների և այլ պաշտոնյաների հետ քննարկելու առևտրատնտեսական ոլորտում համագործակցության հեռանկարները և մասնակցելու Կատարի Պետության գյուղատնտեսական և բնապահպանական 9-րդ միջազգային ցուցահանդեսին, որտեղ Հայաստանը կներկայանա իր ազգային տաղավարով։

«Կատարի գործարար շրջանակները մեծ հետաքրքրվածություն ունեն Հայաստանի գյուղմթերքի վերամշակման, մասնավորապես չրագործության նկատմամբ, ինչպես նաև ոչխարի մսի արտահանման հնարավորություններով», - հայտնել է նախարարը։

Ինչպես տեսնում ենք՝ Քերոբյանի` Կատար այցը բնավ էլ անարդյունավետ չէ, առնվազն իշխանությունների սրտի օլիգարխ Սամվել Ալեքսանյանի համար, քանի որ ոչխարի մսի արտահանման գուրուներից մեկը հենց ՀՀԿ-ական նախկին պատգամավորն է: Եվ վերջինս, ըստ էության, բավական լավ հնարավորություն է ստանալու ընդլայնելու սպառման շուկաները: Իհարկե, դրանից կշահի նաև պետությունը, սակայն, փաստենք, որ վերջին շրջանում էկոնոմիկայի նախարարությունը աշխատում է՝ շահում է Ալեքսանյանը, շահում է պետությունը սկզբունքով: Օրերս էլ փոխնախարարի մակարդակով տեքստիլ արդյունաբերության զարգացման ուղղված հարցեր էին քննարկվել և ուշադրության կենտրոնում, իհարկե, կրկին Ալեքսանյանի ընտանիքին պատկանող և տեքստիլ արդյունաբերության մեջ առաջատար ընկերությունն էր...

Այս թեմայով Ոչ մի բանի չեմ պատասխանում. Սամվել Ալեքսանյան ԱԱԾ-ի բացահայտումը երևի թե փոքր-ինչ կխաթարի «թեժ աշնան» հետ կապված ոմանց սպասելիքները․ Ալեքսանյան Հայաստանի թիմի հանդեպ լարվածություն կար. Արթուր Ալեքսանյան Բացահայտ սանձարձակ պահվածք ոստիկանների կողմից, վստահ են, որ չեն պատժվելու. Ժաննա Ալեքսանյան Անի Իսպիրյանին մոլորեցնող հարցեր են տվել և ստացել գլխավոր նախադասությունն իմ դեմ. Քերոբյան