ՔՊ-ականների ինքնամեծարումը՝ Wiki իրականությունում. Ռոմանոս Պետրոսյան

Շարունակելով ընթերցողների ուշադրությանը ներկայացնել ՔՊ-ական պաշտոնյաների Wikipedia-ի էջերում առկա տեղեկատվությունը այսօր կանդրադառնանք կարկառուն ՔՊ-ական Ռոմանոս Պետրոսյանին:

Եվ այսպես՝ վերջինիս վիկիպեդիան էջը միանգամից հուշում է, որ մուտք ենք գործել ոչ թե հասարական մահկանացուի, այլ պետական և քաղաքական մեծագույն գործչի էջ: Վերջինս իր վիկիպեդիան էջում ներկայացված է որպես հայ պետական, քաղաքական և կուսակցական գործիչ: Ինչ խոսք՝ տպավորիչ է:

Ուշագրավ է, իհարկե, որ այդ պետական, քաղաքական և կուսակցական գործիչը մասնագիտությամբ երկրաբան է, և միևնույն է դա նրան չի խանգարել ոչ միայն պետական մասշտաբներով իրեն դրսևորել, այլ նաև ղեկավար պաշտոններ զբաղեցնել տեղական և միջազգային կազմակերպություններում: Ի դեպ, ուշագրավ է, թե որոնք են դրանք:

Աբովյանի քաղաքապետարանի մանկապատանեկան ստեղծագործական կենտրոնում ուսումնական նախագծի ղեկավարը՞, թե՞  Հայր և որդի Երիցյաններ ընկերությունում զբաղեցրած պաշտոններն են հիմք հանդիսացել Պետրոսյանին նման բարձր նկարագրերով օժտելու համար:

Ուշագրավ է նաև այն, թե ինչպես է սկսվել մեծագուն պետական և քաղաքական գործչի քաղաքական ուղին:

Եվ որքան էլ դա զարմանալի չէ, ահա այս փոքր պարբերության մեջ է ամփոփված Ռոմանոս Պետրոսյան պետական, քաղաքական և կուսակցական գործչի քաղաքական ուղու սկիզբը և, ըստ էության, ներկայիս հանգրվանը: Նախկինում պետական գործիչ կոչվելու համար պաշտոնյաները տասնամյակներ էին նվիրում սեփական երկրին, հասցնում այն նորանոր բարձրունքների, ապահովում հարազատ պետության տեղը առաջատար պետությունների լիգայում և դրանից հետո միայն պատմության կողմից հռչակվում որպես պետական գործիչ: Հայաստանում այդ տիտղոսին արժանանալու համար, ինչպես հասկանում ենք, բավարար է ընդամենը մասնակցել քայլերթների...