Ջոբսը կանխատեսել է IPAD-ի ստեղծումը դեռևս 1983 թվականին

Սթիվ Ջոբսը կանխատեսել է պլանշետային համակարգիչների ստեղծումը 1983 թվականին. գրում է Life News-ը։
1983 թվականին Apple-ի հիմնադիրը ելույթ ունեցավ Տեխնոլոգիական նորարարությունների կենտրոնի համագումարին Ասպենում։
20 րոպեանոց իր ելույթում պատասխանելով մասնակիցների հարցերին՝ Ջոբսը փաստորեն նկարագրել է IPAD-ը։ Նա պատմել է ապագայի համակարգչի մասին, որը գրքի չափ պետք է լիներ։

Apple-ի հիմնադիրն ընդգծել էր, որ այն շատ հարմար աշխատանքային համակարգ կունենա և որ ցանկացած ոք կկարողանա ընկալել այն 20 րոպեում։

Apple-ի ռազմավարությունը վերին աստիճանի պարզ է։ Մենք ցանկանում ենք ստեղծել գրքի չափ ունեցող հզորագույն համակարգիչ։ Այս «համակարգիչը գրքում» կարելի կլինի տեղադրել պայուսակում,-պատմել է Ջոբսը։-Մենք այդ համակարգիչը կապահովենք կապով։ Օգտատիրոջ համար տեղեկատվությունը մատչելի կլինի, որտեղ էլ նա գտնվի»։