ԶԼՄ. Apple-ի ղեկավարը Ցուկերբերգին iPhone 5 է նվիրել

Facebook-ի հիմնադիր և գործադիր տնօրեն Մարկ Ցուկերբերգը խոստովանել է NBC-ի լրագրող Մետ Լոուերին, որ Apple-ի ղեկավար Թիմ Կուկն իրեն iPhone 5 է նվիրել. հայտնում է Корреспондент.net-ը։

Apple-ի կողմից նման քայլը ցույց է տալիս, որ նրանք Facebook-ի հիմնադրին դիտարկում են որպես լուրջ գործընկերոջ. հայտնում է Apple Insider-ը։

Միևնույն ժամանակ Ցուկերբերգը հայտարարել է, որ չնայած iPhone սմարթֆոնների որակին և Android համակարգով աշխատող սարքերի ժողովրդականությանը՝ օգտատերերի մեծ մասը Facebook է մտնում շարժական բրաուզերով։