Փաշինյանի խիստ հակասական շեշտադրումներն Արցախի կարգավիճակի շուրջ (տեսանյութեր)

Վերջին շաբաթներին Նիկոլ Փաշինյանի հրապարակավ արված հայտարարություններից մեկը մեծ ռեզոնանս առաջացրեց: Մամուլի ասուլիսի ընթացքում Փաշինյանը հայտարարեց, որ Արցախը 2018-ին կորցրել է Ադրբեջանի կազմում չլինելու հնարավորությունը: Այս հայտարարությանը հետևեցին ՔՊ-ականների բացահայտ մեսիջներն առ այն, որ Արցախի կարգավիճակի հարցն Ադրբեջանի կազմում քննարկման առարկա է:

Մինչդեռ ինքը` Նիկոլ Փաշինյանը, միշտ չէ, որ նման կարծիքին է եղել: Դիցուք՝

2018 թվականի սեպտեմբերի 26-ին ելույթ ունենալով ՄԱԿ-ում` Փաշինյանը հայտարերեց, որ Արցախը չի լինելու Ադրբեջանի կազմում:

2019 թվականի օգոստոսի 5-ին Նիկոլ Փաշինյանը Ստեփանակերտում հայտարարեց, որ Արցախը Հայաստան է և վերջ:

2020 թվականի փետրվարի 15-ին Փաշինյանը հայտարարեց, որ Արցախը երբեք չի եղել անկախ Ադրբեջանի կազմում:

2020 թվականի փետրվարի 21-ին Փաշինյանը հայտարարել է, որ աբսուրդ է համարում Ադրբեջանի կազմում Արցախի լինելը:

2021 թվականի հոկտեմբերի 6-ին ԱԺ-ում Փաշինյանը հրաժարվեց պատասխանել հարցին՝ արդյո՞ք Արցախը կարող է հայտնվել Ադրբեջանի կազմում, թե ոչ

2021 թվականի դեկտեմբերի 21-ին Փաշինյանը ասուլիսի ընթացքում հայտարարեց, որ Արցախը չէր կարող լինել ամբողջությամբ հայկական:

Ինչպես տեսնում ենք՝ տվյալ հարցի վերաբերյալ Նիկոլ Փաշինյանի շեշտադրումները լուրջ էվոլյուցիա են ապրել՝ ոչ մի թիզականից հանգելով նրան, որ հայկական Արցախի կարգավիճակն Ադրբեջանի կազմում կարող է և դառնալու է բանակցությունների քննարկման առարկա: