Փաշինյանի «ընտանեկան» հիմնադրամն անակնկալ խնդիրների է բախվել

Նիկոլ Փաշինյանի «Իմ քայլը» հիմնադրամը, որը շատերը անվանում են նաև՝ վարչապետի ընտանեկան հիմնադրամ, կարծես, ծանր ժամանակներ է ապրում: 

2022 թվականին ոչ միայն լուրջ և ծանրակշիռ փոխանցումներ չեն կատարվել, այլ մի բան էլ սկսել է կաղալ կատարողական մասը: Բանն այն է, որ հիմնադրամի նպատակների շարքում նշվում են այնպիսի կարևոր և առանցքային նպատակներ, ինչպիսին են օրինակ` նպաստել հանրային առողջության բարելավմանը,  նպաստել շրջակա միջավայրի նկատմամբ հոգատար վարքի արմատավորմանը։

Սակայն, երբ նայում ենք, թե ինչով է զբաղված Փաշինյանի ընտանեկան հիմնադրամը վերջին շրջանում՝ մեղմ ասած տարակուսում ենք: Նշենք, որ ծրագրեր բաժնում  2022-ի մասով դեռևս ոչինչ չկա:

Իսկ երբ դիտարկում ենք 2021-ի կատարած աշխաանքները, ապա այսպիսի պատկեր ենք տեսնում: Դիցուք՝ Արթիկ և Ստեփանավան համայնքների երիտասարդները ճանաչողական այցով մեկնեցին Գյումրի, Հայաստանի 8 մարզերի 9 մշակույթի տների տնօրեններն ու աշխատակիցները Գյումրիում մասնակցեցին երկօրյա , Գանձաքար համայնքի երիտասարդները ճանաչողական այցի մեկնեցին Դիլիջան, Խաչիկ գյուղի երիտասարդները մեկնել են ճանաչողական այցի:

Որքան էլ որ ասվածը հումոր է, սակայն նշենք, որ տպավորություն է թե դարակազմիկ ծրագրեր իրականացնելու նպատակով ստեղծված «Իմ քայլը» հիմնադրամն սկսել է կատարել շարքային տուր օպերատորի կամ արշավային ակումբի գործառույթներ: Ինչպես ասում են՝ Մխիթար Հայրապետյանը մտածելու լուրջ տեղիք ունի, հիմնադրամն էլ՝ ռեստարտի...